Athleticek ez du aurtengo denboraldian Europako txapelketarik jokatuko eta horrek partida asko ostiral eta astelehenetan jokatzea suposatuko du. Lehen jardunaldiko ordutegia ezagutarazi berri du klubak eta abuztuaren 20an, astelehena, izango da estreinaldia San Mamesen Leganesen kontra. Gaueko 22.00etatik aurrera jokatuko da norgehiagoka Bilboko Aste Nagusiko jaien baitan.
Erabakia ez da gustokoa izan hainbat zalerentzat eta bere kexa agertu dute sare sozialetan ordutegia eta batez ere eguna jakin bezain laster. Egutegiaren zozketa egin eta aurkariaren izena jakin ostean, klub zuri-gorritik partida igandean, abuztuak 19, jokatzea espero zutela esan zuten.
Ligako bigarren partida ere San Mamesen jokatuko du Athleticek Huescaren kontra hurrengo astean. Ordutegia erabaki gabe dago oraindik eta ikusteke dago Aste Nagusiko bigarren asteburuaren inguruan jokatzen den -abuztuaren 24tik 26ra- edo jaiak amaitzerakoan -abuztuak 27, astelehena-. Hirugarren jardunaldian Vallecasen jokatuko dute Rayoren aurka eta Real Madril izango da San Mamesen laugarren jardunaldian.
Bien bitartean, Athleticen lehen taldeak lanean jarraitzen du Herbereetako De Lutte herrian egiten ari den egonaldian.
Lan saioaren hasiera De Lutten 💪🏻 #AthleticClub pic.twitter.com/cuALnpz9PJ
— Athletic Club (@athletic_eus) July 26, 2018
Traspaso de poderes en el condominio más pequeño del mundo, la Isla de los Faisanes
Pablo González, libre tras dos años y medio sin pruebas en contra ni juicio
Electos de Maule ceden parte de su asignación para apoyar a los atletas olímpicos palestinos
La fiesta en Lizarra arranca con represión a un cantante, cohete dividido y Bajadica suspendida
