![Ernai eta Aitzinako gazteek Lemoan aurkeztu dute Topagunea. (Aritz LOIOLA/FOKU)](/media/asset_publics/resources/000/559/358/article_main_landscape/ernai-aitzina-lemoa.jpg)
Hamazazpi urte igaro dira Elorrioko Gazte Topagunea egin zenetik. 2002ko martxoaren 29tik apirilaren 1era egin zen eta Gazte Topaguneak lehenengo aldiz bisitatzen zuen Bizkaia. ‘Guk iraultzaz independentzia’ izan zuen lelo eta lau egunetan zehar egun osoko egitaraua aurkezten zen lehen aldia zen. Orduko hartan Berri Txarrak taldeak jarri zion musika banda ‘Bisai Berriak’ abestiarekin.
Orain, Lemoako Gazte Topagunearen atarian, halako ekimenei musika jarri dioten melodiak biltzen dabil Ernai, gazteen borrokari doinua jarri dioten kantuak berreskuratuz.
Lan honetan konplize izan du Berri Txarrak; izan ere, igandean Durangoko Plateruenan eskainitako kontzertuan ‘Bisai Berriak’ abestia jo zuen. Izar Mendiguren Cosgaya arabarra bertan zen eta unea grabatu eta Twitterren zabaldu du @itzulipurdika kontuan.
Zeru zati honetan bat eginik #bulkadaberriengaraiada (@berritxarrak atzo @plateruena n) #Bejondeizuela pic.twitter.com/xAbdk1Ovab
— Izar Mendiguren Cosgaya (@itzulipurdika) 2019(e)ko martxoaren 10(a)
Joan den astean abiatu zuen ekimena Ernaik eta sare sozialak lagun hartuta, 1999. urtean Euskal Herria zeharkatu zuen 'Gazte Abialdia' ekimenaren soinu banda zabaldu zuen lehenengo. Eibarko Su ta Gar taldeak egin zuen ‘Gazteria abian’, hain zuzen ere. Hedatutako bigarren abestia, ostera, 2000. urtean Kanbon ospatu zen Gazte Topagunearen abestia izan zen, Etzakit taldearen ‘Gurea’.
Hain justu, igandean, Berri Txarrak taldeak Durangon kontzertua zuen egunean ekarri zuen gogora Ernaik Elorrioko Gazte Topagunearen musika banda.
#Gzt19 | GAZTE 🎵 DOINHUA
— Ernai (@ernaigazte) 2019(e)ko martxoaren 10(a)
2002. urtean Elorrion ospatu zen Gazte Topagunea. @berritxarrak taldeak "Bisai Berriak" kantua sortu zuen ekimenerako.
Gozatu!#Gzt19#EzDutGaldukohttps://t.co/ONSxCyWK1F
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)