Fisiologia katedradun eta EHUko Kultura Zientifikoko Katedrako zuzendari Juan Ignacio Perez Iglesias eta Aizpea de Atxa artista nafarrak jaso dituzte aurtengo Eusko Ikaskuntza Laboral Kutxa sariak 1999an saria jaso zuen Eduardo Chillidaren obrari eskainitako museo berrinauguratuan.

25. edizioa dela-eta, aurten ekitaldi berezia antolatu dute eta urte luze hauetan saria jaso duten guztiei omenaldi berezia egin diete. Berrikuntza gisa, Gazte Saria modalitatea sortu da aurten, 35 urtetik beherako ikerlari eta sortzaileentzat. Aizpea de Atxaren ‘INpostuRA’ proiektua izan zen aukeratua.

Gaurko eguna ere bada #premioEILKsaria 25 edizioetan jaso dutenentzako. @Chillida_Leku-n bisita berezia egin ondoren, @Uhandrea eta Aizpea de Atxaren omenaldian parte hartuko dute. pic.twitter.com/EFSN1xmHss

— Eusko Ikaskuntza (@ei_sev) July 9, 2019

Ekitaldiaren buru Iñaki Dorronsoro, Eusko Ikaskuntzako lehendakaria, eta Txomin Garcia, Laboral Kutxako lehendakaria, izan dira. Iñigo Urkullu lehendakaria ere betan izan da. Hauekin batera, aurreko urteetako irabazleak egon dira sari banaketan.

Antolakuntzak Perez Iglesiasek «kultura zientifikoaren bultzatzaile gisa» egindako lana nabarmendu du, baita unibertsitatearen baitan eta gizartean euskararen alde egindako lana ere.

De Atxak, bere aldetik, azaldu du bere lana «publizitate eta sare sozialen menpeko gizarte baten inguruko gogoeta» dela. 21 urterekin jaso du saria eta 6.000 euroko diru-laguntza.