![Euskal Herriko Gazte Orkestrak zuzendari berria du. (NAIZ)](/media/asset_publics/resources/000/346/426/article_main_landscape/la-euskal-herriko-gazte-orkestra-traera-a-tchaikovsky-a-itsas-etxea-1.jpg)
Euskalduna Jauregiak Euskadiko Gazte Orkestraren kontzertua emango du uztailaren 22an, 20.00etan. Ikus-entzuleek Ruben Gimenok zuzendari titular berri gisa egingo duen lehen agerraldian orkestrak erakutsiko duen energiaz gozatuko dute. Programa horretan protagonismo berezia izango dute, alde batetik, zur-haize sekzioak eta, bestetik, soka sekzioak, eta denak elkartu egingo dira, programa itxiko duen lanean. CH. Gounod, G. Mahler edo F. Schubert maisu handien sinfoniak interpretatuko dituzte, Bilboko Jauregia musika klasiko onenaz betez
Udako kontzertu biran Euskalduna Jauregira egin ohi duen bisitan, musika klasikoko maisuen sinfonia handiekin gozaraziko du EGOk. Horien artean, Charles Gounoden (1818-1893) Haize Musika-tresnetarako Sinfonia Txikia, haizezko 9 musika-tresnarentzat, hain zuzen ere. XIX. mendeko musikagile frantses ospetsuak genero asko ukitu bazituen ere, operan lortu zituen arrakasta nabarmenenak (‘Fausto’).
Gustav Mahlerren 5. Sinfoniaren Adagiettoa izango da musika emanaldiko beste sinfonia protagonistetako bat, Mahlerrek bere emazteari eskainitako maitasun poema gisa idatzi zuen musikaren historiako piezarik ederrenetakoa. Eta baita Franz Schuberten 5. D.485 sinfonia bikaina Si bM-n, 1816ko urrian amaitutakoa eta Schubert hil eta hamahiru urtera, 1841ean, Vienan estreinatua.
EGO laburduraz ere ezagutzen den Euskal Herriko Gazte Orkestra, Lakuako Kultura Sailak sortu zuen 1997an, eta, eratu zenetik, proiektu estrategikotzat hartu da. Euskal musika tresna jole gazteentzako orkestra prestakuntzako tresna izatea du helburu, eta baita musikari gazteen garapena sustatu ahal izateko eta mundu profesionalerako maila artistiko handiko sarbide izateko egitura sortzea ere.
Sarrerak salgai dagoeneko www.euskalduna.eus webgunean eta Kutxabankeko zerbitzu anitzeko kutxazainetan. 11,50 eurotik aurrera (kudeaketa gastuak barne).
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)