![Polizia eta herritarren arteko istiluak Santiagon.](/media/asset_publics/resources/000/773/027/article_main_landscape/0210_mundua_Chile.jpg)
Txileko alderdi politikoek eta buruzagi sozialek Karabineroak polizia-zerbitzua desegitea eskatu dute, joan den astean agente batek gazte bat hil ondoren. Gertaera horrek protesta bolada berri bat eragin du Hego Amerikako herrialdean.
Eduardo Artes Txileko Alderdi Komunistako idazkari nagusiak Karabineroak desegiteko eta Sebastian Piñera presidenteak dimititu dezala eskatu du, Francisco Martinez malabarista gaztearen heriotzaren ondorioz. Bestalde, Alejandro Navarro Alderdi Progresistako senatariak.
«Karabineroen birfundazioari buruzko eztabaidari» ekiteko eskatu dio Senatuari.Martinezen heriotza leporatu dioten agentea giza hilketa sinple bategatik kanporatu dute, eta etxean atxilotu dute, epaiketa hasi arte. Akusatua, Juan Gonzalez Iturriaga Karabineroen sarjentua, giza hilketa sinpleagatik ikertuko dute hurrengo 120 egunetan. Denbora horretan, ezarritako kautelazko neurria aplikatuko zaio. Kereilari partikular batek, ordea, harentzako behin-behineko espetxeratzea eskatu zuen eta erailketa gisa epaitzea, «tiro bakar bat ere ez dagoelako justifikatua». Berme-epaile Felipe Muñozek ukatu egin zuen eskaera hori.
Egunean bertan atxilotu zuten Gonzalez Iturriaga, sareetan bideo batzuk zabaldu ondoren. Bideo horietan, suzko armarekin biktimari nola apuntatzen dion ikus daiteke. Biktima, berriz, bere malabarismoko labanekin aurre egiten saiatzen da, inputatuak tiroz hil baino lehen.
Kasuaren ardura duen fiskalak esandakoaren arabera, karabineroak ez zuen «bere burua defendatzeko beharrik», eta identifikatu diren sei tiroetako azkena «justifikaezina» da, biktima lurrean botata baitzegoen eta ordurako hiru tiro jasota, toraxean jota hil zuen bala jaso aurretik.
Heriotzak eragindako protestetan, berriz, 40 pertsona baino gehiago atxilotu dituzte, eta bestelako gertaerak ere izan dira, hala nola gobernu-eraikinak erre dituzte. Martinezen heriotzak eta Camilo Miyakiren ustezko suizidioak (Poliziaren zaintzapean zegoen gizona) kexa ugari eragin dituzte Txileko kaleetan eta sare sozialetan.
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Exezarraga_eta_galdos](/media/asset_publics/resources/001/149/031/article_thumb_horizontal/exezarraga_eta_galdos.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)
El desembarco de Guggenheim Urdaibai bien vale una Campana
![Euskara-saria](/media/asset_publics/resources/001/148/691/article_thumb_horizontal/euskara-saria.jpg)
Hau Pittu Hau konpartsaren Euskara Saria jaso du Presoen Euskara Irakasle Taldeak
![Mani](/media/asset_publics/resources/001/149/003/article_thumb_horizontal/mani.jpg)