![Aragones gaurko ekitaldian. (@Esquerra_ERC)](/media/asset_publics/resources/000/783/824/article_main_landscape/Aragones.jpg)
ERCk ekitaldi bat egin du larunbat honetan Bartzelonako Sants auzoan, eta bertan, Pere Aragones presidentegaiaz gain, Oriol Junqueras alderiko presidenteak, Marta Rovira idazkari nagusiak eta Marta Vilalta bozeramaileak parte hartu dute.
Laura Borras Kataluniako Parlamentuko presidenteak inbestidura saioa atzeratzeko aukeraren aurrean, Aragonesek Kataluniako Gobernua osatzea ahalbidetuko duen akordio batera iristeko deia egin dio independentismoari, «lehenbailehen».
«Otsailaren 14ko hauteskundeek erakutsi ziguten gehiengo handiak daudela Katalunian; gehiengo ezkertiar, independentista, aurrerakoi eta errepublikanoa, pandemiak eragindako krisi honetatik irtenbide bat nahi duena. Gehiengo hori badago, egin dezagun gobernu errepublikar bat», esan du ERCko hautagaiak.
Halaber, hurrengo Gobernuak «borondate eraldatzailea eta indartsua» izan behar duela adierazu du, «pandemiari aurre egiteko, Estatuaren dinamika errepresiboa hausteko eta Kataluniako gatazkari irtenbide politikoa emateko».
Oriol Junqueras ERCko presidenteak bideokonferentzia bidez hartu du parte Lledonerseko kartzelatik, bertan baitago preso urriaren 1eko erreferendumagatik zigortu ostean.
Junquerasek ERC «Kataluniako alderdi nagusia» dela aldarrikatu du, eta bere 90. urteurrena alderdiko kideak kartzelan eta erbestean egotea «kasualitatea» ez dela nabarmendu du.
«Belaunaldiz belaunaldi egindako ahalegin guztiei zentzua eman behar diegu. Orain ez da kexatzeko edo damutzeko garaia, irabazteko garaia da», esan du Junquerasek.
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)