1984ko martxoaren 22an Pedro Mari Isart «Pelitxo», Rafael Dalas «Txapas», Dionisio Aizpuru «Kurro» eta Jose Mari Izura «Pelu» Komando Autonomo Antikapitalistak (KAA) erakundeko kideak hil zituen Polizia espainiarrak Pasaiako badian.
Igande honetan dozenaka lagun bertan bildu dira sarraski horren biktimak gogorateko eta gaur egun indarrean dagoen inpunitatea salatzeko. Izan ere, bide judizial guztiak agortu ostean, ez da hilketaren arduradunik epaitu.
Kizkitza Gil San Vicente Sortuko kideak ekitaldian azaldu duenez, Euskal Herria aintzindari izan da borroka sozial eta politikoetan, baina baita ere espainiar Estatuaren errepresioa pairatzeko orduan.
Gogoratu duenez, «Espainiako ezkerreko sektore esanguratsuek onartu egin zuten frankismoaren erreforma, eta Estatuak Euskal Herrira begiratu eta Euskal Herriaren kontrako estrategia errepresibo guztia aktibatu zuen».
«Eta Plan ZEN etorri zen, eta GAL etorri zen», nabarmendu du Gil San Vicentek gaurko ekitaldian parte hartu dutenen aurrean.
Bihar 37 urte beteko dira Pasaiako badian polizia espainiarrak KAAko 4 kide erail zituenetik.
— SortuGipuzkoa (@SortuGip) March 21, 2021
🌹Pedro Mari Isart "Pelitxo"
🌹Rafael Dalas "Txapas"
🌹Dionisio Aizpuru "Kurro"
🌹Jose Mari Izura "Pelu"
Gaur, beste behin, egia eta aitortza exijitu ditugu Pasaian. pic.twitter.com/LcJnm5DXEX
Gaurkoa ez da izango Pasaiako Badian izandako sarraskia oroitzeko ekitaldi bakarra. Bihar, XXXVII. urteurrenaren egunean, Egiari Zor Fundazioak antolatuko dituen ekimenen berri emango du. Ekitaldi nagusia Azpeitiako Berdura Plazan izango da, martxoaren 27an, ostiralean, arratsaldeko 18.00etan.
«Mientras mi madre esté ahí no voy a parar, voy con todo; estoy muy cansada y muy triste»
La elevación de tierras causada por un río empuja hacia arriba al Everest y a sus picos vecinos
Bruce Springsteen regresa a Donostia con un concierto el 21 de junio
María Elena y María Ángeles, obligadas a limpiar colegios en silla de ruedas y andador
