![Bi behargin, Zamakonaren Santurtziko instalazioetan lanean. (Marisol RAMIREZ/FOKU)](/media/asset_publics/resources/000/785/487/article_main_landscape/zamakona-santurtzi.jpg)
Ohar baten bidez enpresak berak jakitera eman duenez, Zamakona Vigoko hiru ontziolari gailendu zaie enkantean eta, hortaz, itsas salbamendurako eta itsas laguntzarako atoiontzi bat eta bi atunontzi izozkailu eraikiko ditu. Hiru kontratu berri horiekin, eskari-zorroa «sendotzea» lortu du euskal ontziolak, gainera.
Datozen asteotan itxiko dituzte kontratuak eta ontziak 2023an entregatuko dituzte. Ontzi berrien eraikuntzari esker, bi urte eta erdirako lan-karga izango du ontziolak, 900.000 lan-ordu beharko dituztela aurreikusten baitute.
Bi proiektuen ezaugarriei dagokienez, Zamakonak gogorarazi du esperientzia «handia» duela arrantza-ontzien eraikuntzan, Echebastar eta Nicra 7rentzat sei atunontzi entregatu baitituzte.
Alturako atoiontziei dagokionean, SASEMARek Zamakonari esleitutako hirugarren ontzia izango da, 2006an eta 2007an ‘Don Inda’ eta ‘Clara Campoamor’ ontziak entregatu ondoren, hurrenez hurren.
Aipatu enkarguez gain, Bizkaiko ontziola Royal Arctic Line ontzi-enpresa groenlandiarrarentzat hozkailu-ontzi baten itsas probak egiten ari da egun, eta Gitte Henning AS talde daniarrarentzat arraste-ontzi pelagiko bat ere eraikitzen ari da, Norvegiako Intership AS ontzi-enpresarentzat arraina bizirik garraiatzeko bi ontzirekin batera.
Ontziak konpondu eta eraikitzeko talde garrantzitsua da egun Zamakona Yards. Santurtzin (Bizkaia), Pasaian (Gipuzkoa) eta Kanariar Uharteetan ditu lantegiak.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)