![Argitan eta Kakitzat-eko protesta gastu militarra salatzeko.](/media/asset_publics/resources/000/801/418/article_main_landscape/kakitzat-argitan.jpg)
'Gerraren Aurkako Emakumeen Nazioarteko Eguna' dela eta, Argitan emakumearen aholkularitza-zentroak eta Kakitzat koordinatzaile antimilitaristak elkarretaratzea egin dute astelehen honetan Barakaldoko Ogasun Ordezkaritzaren aurrean. Picassoren ‘Guernica’ren tarta handi baten bidez eta hamarnaka bonboi banatuz, Bizkaiko Ogasun Ordezkaritzaren aurrean «gastu militarrera bideratutako baliabide publikoen igoera» salatu dute.
‘Ez armarik, ez bonbarik. Bonboiak hobe’ lelopean, 2021eko gastu militarra pertsonako 700 eurotik gorakoa izango dela ohartarazi dute. «Eta diru hori osasun arloko inbertsio sozialetatik zuzenean aterako dira», erantsi dute.
«Baliabide publikoen desbideratze horrek gabezia ugari ditu gizarte zerbitzuetan. Are gehiago Barakaldo bezalako herri batean, non langabezia, pobrezia eta prekarietate tasa handiak dauden», nabarmendu dute Kakitzat eta Argitaneko kideek.
Gastu militarra eta arma trafikoa amaitzea eskatu dute, baita euskal armagintza enpresak ekoizpen zibilekoak bihurtzea ere.
Gainera, Lakuako Gobernuak industria militarra 100 milioi euro ingururekin laguntzen duela salatu dute, «batez ere sektore aeronautikoari lotutako industriari». Euskal ekoizpen militarraren %80a Saudi Arabiara, AEBetara, Mexikora, Brasilera, Marokora eta Israelera bideratzen dela adierazi dute.
Horrez gain, Hego Euskal Herriko Eragozpen Fiskalaren aldeko plataformaren kanpaina bultzatzearen aldeko apustua egin dute. Plataforma horretan hogei eragile inguruk hartzen dute parte.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)