Astelehenean milaka lagun kalera atera ziren herritar guztien eskubideak aldarrikatzeko. Tamalez, azken egunetan zenbait herritarrek eraso homofoboak salatu dituzte sare sozialen bidez. Haien artean Donostiako Alderdi Ederren izandako eraso fisiko bat.

Al hilo de los homófobos de Donosti voy a contar como mi amiga y yo el sábado sufrimos una agresión machista y homofoba en Alderdi Eder a las 6 de la mañana.

— La Pirri ★ (@pirrinomuere) June 30, 2021

Euskal LGTBI+ Behatokiak ohar batean adierazi duenez, «tamalgarria iruditzen zaigu gure jendartean LGTBIfobia hain nabarmena izatea, baita gure kolektiboaren aurka egitea horren erraza izatea ere».

«Gizarte gisa egiteko dugun bidearen adibide garbia eta LGTBIfobiak egunerokotasunean dituen hamaika aurpegien erakuslea da», nabarmendu eta erakundeen jarrera salatu du.

Izan ere, Behatokiaren arabera, «erasotutako kolektiboak bere gain sentitzen duen presioa ez dute ikertzen administrazio ezberdinek, eta enpatia falta hau izan daiteke Euskal Euskal LGTBI+ Lege Integralik ez eta jarduteko protokolo espezifiko zein koordinaturik ez izateko arrazoia».

«Bitartean, pertsona zaurgarrienek egunero sentitzen dute jarrera hauen zama, delitu gisa ulertu beharrean normalizatu, zabaldu eta partekatu egiten baitira», gaineratu du, eta «gertakari larri hauek» ikertzea eskatu die erakundeei.

«Detekzio, prebentzio eta erreparazio lanetarako beharrezkoak diren tresnak exijitzen ditugu halaber, kasu hauetarako zein antzekoentzako, berauen jatorrian arreta berezia jarriz. Azkenik, fiskaltzari eskatzen diogu ofizioz jardun dezala, hala badagokio», azaldu du.

Twitch sarean zabaldu den bideoa

Era berean, Gehituk salatu ditu Twitch sarean «zenbait donostiar gaztek egin dituzten komentario homofoboak, biolentzia handia adierazten duten hitzak erabiliz gainera».

Hoy un amigo me a enseñado un video de twich en el cual unos chicos que conozco desde hace años (siempre han sido unos putos homofobos ) hablaban sobre cuantos maricones de mi ciudad (Donosti) tumbaban a ostias poniendome a mi, Julbit como ejemplo (repiten mi nombre todo el rato) pic.twitter.com/rhwTjtpc4u

— @JULBIT (@NinfaDelBosque6) June 28, 2021

«Gertaera homofobo hau ezin dugu gorroto delitu gisa baino izendatu», azpimarratu du, eta babesa adierazi dio bideoa salatu duen gazteari, «biktima senti ez dadin eta, aitzitik, geure gizartea berdintasunaren eta LGBTI kolektiboaren aurkako diskriminazio ezaren alde borrokan jarrai dezan, beraren eta guztion alde».

Behatokiak egin duen bezala, Gehituk Fiskaltzari eskatu dio gertatutakoa argitzeko ikerketa bat abian jar dezala eta Lakuako Gobernuari «lehenbailehen onar dezala LGTBI pertsonentzako benetako berdintasun eraginkorra xede izango duen lege proiektua».

Gehituren esanetan, lege horrek «politika publikoko tresna egokiak sortu beharko lituzke, LGBTI-fobia deuseztatzeko gazteengan eta gizarte osoan, eta, halaber, LGTBI pertsonen eskubideak eta segurtasuna, batez ere zaurgarritasun egoeran daudenenak, bermatu beharko lituzke».