![Hegoaldeko departamentuko 255 eskoletatik 94tan izan dira kalteak. Ez da erraza izanen irailaren hasieran ikasgeletara itzultzea, baina garrantzitsua izanen da ikasle eta komunitateentzat hori lortzea. (UNICEF)](/media/asset_publics/resources/000/824/369/article_main_landscape/Haiti-eskola.jpg)
Ikasturtea hasteko aste gutxiren faltan, lurrikararen eraginez Haiti hegoaldeko departamentuko 255 eskoletatik 94 erabat suntsituak daudela edo zatiren batean kalteak izan dituztela diote Unicefen eta tokiko funtzionarioen ikerketaren lehen emaitzek.
Oraindik ez dituzte larunbatean gertatutako mugimendu sismikoek gehien kaltetu dituzten bertze bi departamentuak, Nippees eta Grand'Anse, behatu, ezta bertze komunitate batzuk ere.
«Izugarri zaila izanen da gurasoentzat, irakasleentzat eta gobernuarentzat hiru asteren buruan ikasleak modu seguruan eskolara itzultzea, aurreikusia zegoen bezala, irailaren 7an», adierazi zuen Bruno Maes Unicefeko ordezkariak, Les Cayes-etik hurbil dagoen Mazenod-eko eskola hondatu bat bisitatu ondotik.
«Baina funtsezkoa da muturreko klimaren eta lurrikararen esperientzia traumatiko honetatik pasatu diren umeentzat normaltasunera eta egonkortasunera bueltatzea, ikasgelan lagun eta irakasleekin elkartuz», erantsi zuen.
1.941 hildako eta 9.900 zauritu gutxienez
Heriotzaren eta hondamenaren tamainaren berri ematen duten zenbakiak gora doaz. Astearte gauean 1.941 hildako eta 9.900 zauritu zenbatu zituzten. 115.000 etxetik gora hondatu dira eta 580.000 pertsona inguruk, aipatutako hiru departamentuetako biztanleriaren %40k, urgentziaz artatzea behar izan dute.
«Azken hondamendi hau azken bi urteotako covid-19ari gehitu zaio. Haurrak hilabeteetan egon dira eskolara joan gabe», oroitu zuen Maesek.
«Haitiko haurrek elkartasuna eta babesa behar dituzte. Dena galdu duten guraso eta irakasleek laguntza beharko dute. Eta baliabideak behar ditugu ikastetxe batzuk berreraikitzeko, bertze batzuk birgaitzeko, klaseetarako mahaiak lortzeko, baita ikasteko bertze materialak ere. Umeak ikasgeletara itzultzea da, agian, eurek eta beren familia eta komunitateak bizkortzen doazela segurtatzeko modurik onena».
Unicef bizitzak salbatzeko baliabideak bidaltzen ari da kaltetutako guneetara, botikak, ur edangarria eta garbiketa produktuak tartean, uholde eta lurraren erorketek iristea zailtzen duten guneetara ailegatuz.
Elkarte honen kalkuluen arabera, 12,82 milioi euro beharko dira behintzat 380.000 lagunen premiazko beharrei erantzuteko, bost urtetik beherako 167.000 haur barne, zortzi asteko epean.
Finantzaziazio behar hori errebisatu eta egokituko dute lurrikarak haur eta familiengan izan duen eraginaren ikerketan sakondu ahala.
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![0901_eg_ventila](/media/asset_publics/resources/001/151/351/article_thumb_horizontal/0901_EG_Ventila.jpg)
La isla de calor de Iruñea y las vías para refrigerar una ciudad
![Carabelas](/media/asset_publics/resources/001/024/477/article_thumb_horizontal/carabelas.jpg)
Hospitalizado en Donostia tras una picadura de carabela portuguesa que provocó contracciones
![Feminicidio](/media/asset_publics/resources/001/013/593/article_thumb_horizontal/Feminicidio.jpeg)
Dieciocho años de prisión por matar a su socia y pareja en un bar de Iruñea
![Captura_de_pantalla_2024-09-02_a_las_14.24.58](/media/asset_publics/resources/001/151/966/article_thumb_horizontal/Captura_de_Pantalla_2024-09-02_a_las_14.24.58.png)