![UABko Campusa. (UAB)](/media/asset_publics/resources/000/838/793/article_main_landscape/uab-Barcelona.jpg)
Eraso informatiko batek zerbitzurik gabe utzi ditu astelehen honetan Bartzelonako Unibertsitate Autonomoko (UAB) zerbitzariak; beraz, ordenagailuak behar dituzten klase presentzial eta telematiko guztiak eten egin dituzte goizean. Unibertsitate osoko Interneteko zerbitzuak, campuseko WiFi-a eta Campus Birtualeko webgunea kaltetu dira.
UABren web orriak eta posta elektronikoko zerbitzariek ere izan dute eraginik. Unibertsitatek arratsaldean ohar batean azaldu duenez, eraso informatikoak jatorri ezezaguna du, eta «zerbitzu korporatibo gehienak hartzen dituen birtualizazio-sistemari» eragin dio; ondorioz, ezin dira zerbitzu eta aplikazio horiek erabili.
UABk azaldu duenez, egoera horietarako protokoloari jarraituz jardun da, infektatutako ordenagailuak isolatuz eta prebentzio-neurriak aplikatuz, eraginik ez duten sistemetara hedatzea saihesteko.
Unibertsitateak erasandako sistemak mailaka berrezartzea aurreikusi du, eraso-mekanismoa zehazten denean. Gainera, erabiltzaileek astean zehar ordenagailuak sarera konektatu gabe lan egin beharko dute, eta horrek «jarduera-eremu guztiei eragingo die: irakaskuntza, ikerketa eta administrazioa».
Goizean, zentroak ikasleei jakinarazi die sare sozialen bidez deskonektatu behar dituztela UABrekin lotutako zerbitzu guztiak, infekzioa heda ez dadin. Gainera, «.uab» luzapena duen fitxategi bat deskargatuz gero, ordenagailuak itzali eta zerbitzu informatikora deitzeko eskatu dute.
«Aurreneurri gisa, zerbitzu zentralak deskonektatu dira, zerbitzariak koarentenan jarri dira eta ordenagailu pertsonala ez erabiltzea gomendatu da, bai campusean, bai kanpoan», azaldu du gaur goizean UABren Twitter kontuak.
🚨 Durant la matinada del dia 11, s’ha detectat un atac informàtic als sistemes centrals de la #UAB.
— Universitat Autònoma de Barcelona (@UABBarcelona) October 11, 2021
Des de la seva detecció, els tècnics informàtics han començat a treballar-hi per aplicar el protocol habitual en casos com aquests. (1/3)
Fakultate batzuek, hala nola Komunikazio Zientzien Fakultateak, baliogabetu egin dituzte klase teoriko eta praktiko guztiak, hardwarea eta softwarea biak funtzionatu ezinean zeudelako.
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![Lindane](/media/asset_publics/resources/001/153/115/article_thumb_horizontal/lindane.jpg)
El acoso machista en redes a Ane Lindane deriva en una petición para aplicarle la Ley Mordaza
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Antzar-eguna](/media/asset_publics/resources/001/153/331/article_thumb_horizontal/antzar-eguna.jpg)
Ehundik gora potinek parte hartu dute Lekeitioko Antzar Egunean
![Arnaldo](/media/asset_publics/resources/001/153/497/article_thumb_horizontal/arnaldo.png)