![Larunbateko istilu larrien ondoren heldu da eskaera. Irudia Erromakoa da. (Tiziana FABI | AFP)](/media/asset_publics/resources/000/838/803/article_main_landscape/fabi.jpg)
Italiako Alderdi Demokratak (PD), herrialdeko alderdi aurrerakoirik handienak, mozio bat aurkeztu du astelehen honetan Parlamentuan mugimendu neofaxistak legez kanpo uztea eskatzeko, joan den larunbatean Erroman kaosa eragin zuten manifestazio bortitzen ostean.
Mozioa Senatuan eta Diputatuen Ganberan aurkeztu da, eta Mario Draghiri, Italiako Anaiak alderdi ultraeskuindarra salbu beste alderdi guztien arteko koalizioaren buruari, «desegindako Alderdi Faxista berrantolatzea debekatzen duen konstituzio-agindua jarraitzeko» eskatzen dio, dagozkion neurriak hartuz.
Zehazki, Forza Nuova mugimendua legez kanpo uztea eskatu dute. Joan den larunbatean covid-19aren osasun-pasaportearen aurkako manifestazio bat baliatu zuten Erroman kaosa sortzeko. Herrialdeko sindikatu handienaren (CGIL) egoitza eraso zuten, eta lau pertsona zauritu zituzten ospitale bat setiatu ondoren.
Bost Izar Mugimenduaren babesa
Mozioaren sinatzaileek, Simona Malpezzik eta Debora Serrachianik, goi-ganberako eta behe-ganberako PDko bozeramaileek, hurrenez hurren, «benetako indar politiko demokratiko guztien» sinadura eskatu dute, mozioa ahalik eta lasterren onar dadin. Oraingoz, ekimenak Bost Izar Mugimenduaren –hemizikloko alderdirik handiena– babesa du.
Maurizio Landini CGILeko idazkari nagusiak, astelehen honetan Draghirekin bildu denak, gertatutakoa ez «gutxiestea» eskatu du, aurrez pentsatutako «eraso faxista» izan zelako, eta «Konstituzioa aplikatzea» eta «faxismoaren apologia egiten duten erakundeak desegitea» eskatu du.
Larunbateko protestek liskar gogorrak eragin zituzten hiriburuko erdigunean izandako istiluen aurkako agenteekin. Hamabi atxilotu zituzten, horien artean Roberto Fiore eta Giuliano Castellino Forza Nuovako buruzagiak, estrategia bat taxutu zutenak.
Aurrekariak
Hori dela eta, mozioak mugimendu horien desegitea justifikatzen du, 1948ko Konstituzioaren azken xedapenetako baten aurka doazela adierazten baitu, non Benito Mussoliniren Alderdi Faxista «edozein modutan» berrantolatzea debekatzen den.
Izan ere, arau horri esker, iraganean beste alderdi batzuk legez kanpo utzi ziren, hala nola Ordine Nuovo 1973an, Avanguardia Nazionale 1976an eta Fronte Nazionale 2000. urtean.
Bestalde, Italiako Auzitegi Gorenak, 2010eko urtarrileko epai batean, honakoa ezarri zuen: «Erregimen faxista amaitu arren, ideologia horretan inspiratuta dauden elkarte eta erakunde politikoak bizirik diraute, Forza Nuova kasu».
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![Lindane](/media/asset_publics/resources/001/153/115/article_thumb_horizontal/lindane.jpg)
El acoso machista en redes a Ane Lindane deriva en una petición para aplicarle la Ley Mordaza
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Antzar-eguna](/media/asset_publics/resources/001/153/331/article_thumb_horizontal/antzar-eguna.jpg)
Ehundik gora potinek parte hartu dute Lekeitioko Antzar Egunean
![Arnaldo](/media/asset_publics/resources/001/153/497/article_thumb_horizontal/arnaldo.png)