Bilboko Ingeniatritza Eskola eta Deustuko Unibertsitateak urtero egiten duen lemazaindun zortzikoteeen covid-19aren pandemia dela-eta bertan behera geratu da azken bi urteetan, 1981etik Nerbioi itsasadarrean Bilboko bi unibertsitateak elkarren aurka aritu ondoren.

Alabaina, 2022an berriz jokatuko da aipatu estropada, pandemiaren ondorioz azken bi edizioak bertan behera geratu ondoren, antolatzaileek astearte honetan baieztatu zutenez.

Ingenieritza Eskola eta Deustoren arteko estropada datorren urteko apirilaren 8an izango da eta 19.00etan hasiko da. Proba hontako sustatzaileen esanetan, «Bilboko eta bere itsasadarreko kirol, gizarte eta kultura ekitaldi esanguratsuenetako bat» izango omen da.

Oxford eta Cambridgeko unibertsitate ingelesek urtero egiten duten estropadaren oinordekoa da Bilbon jokatzen den hau. Ontziek lau itsas milia bete beharko dituzte ohiko ibilbidea jarraituz, Erandion hasi eta Bizkaiko hiriburuko udaletxera iritsi arte.

Orain arte jokatu diren estropaden palmaresean Deustuko Unibertsitatea da nagusi, 25 alditan lortu baitu garaipena. Aldiz, Bilboko Ingeniaeritza Eskolak dituen 14 bider irabazi du.