![Arkaitz Rodriguez eta Lur Albizu, Sortuko batzar batean, Atarrabian. (Iñigo URIZ | FOKU)](/media/asset_publics/resources/000/850/905/article_main_landscape/sortu.jpg)
Sorturen Kongresu prozesuak aurrerapausoa eman du, hurrengo bost urteotako ponentzia politiko-organizatiboa onetsita. ‘Herrigaia’ ponentzia izan da onartuta, alde handiz, Sortzaileek eta parte hartzeko izena eman duten lagunek onartutakoa, %71ko atxikimenduarekin.
Oro har 7.936 lagunek zuten boza emateko eskubidea presentzialki edo era telematikoan, eta parte hartzea handia izan da. 4.164 pertsonek bozkatu dute, hots, erroldaren %52,5ek.
Honek bultzada handia ematen dio Herrigaia ponentziak jasotako proposamen politikoari. Zuzendaritzak aurkezturiko ‘Herrigaia’ izeneko ponentziak 2.948 boz eskuratu ditu, eta ‘Lurrari lotuz’ osoko zuzenketak, 919. Lehenak bigarrena hirukoiztu baino gehiago egin du. Beste 297 lagunek zuri bozkatu dute. Portzentaietan azalduta, %71k egin du ‘Herrigaia’ren alde eta %22k ‘Lurrari Lotuz’en alde.
Sortuk ohar batean azaldu duenez, ‘Herrigaia’ hastapenik «eraikuntza kolektiboa» izan da, baita 500 buruz buruko elkarrizketen, dozenaka herri batzarren eta udaran egindako bi nazio topaketen emaitza ere.
Mugarri hau gaindituta, aurrera egingo du Kongresu prozesuak. Zuzenketa partzialak aurkezteko epea abenduaren 5era arte luzatuko da, eta horien bozketa hilabete horren 17tik 19ra aurreikusirik dago. Zuzendaritzaren hautaketari bide emango zaio gero eta prozesua urtarrilaren 22an amaituko da.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)