Lointek Gernika taldean bost covid-19 kasu positibo antzeman zituzten pasa den asteburuan. Ondorioz, Campus Promteren aurkako ligako partida atzeratu behar izan zuten eta Eurocupeko partida ere airean geratu zen. Astelehen honetan iragarri dute ofizialki Çukurova BK Mersin taldearen aurkako dema ere bertan behera geratzen dela. Oraindik ez dute data berria iragarri.
⚠️ BERTAN BEHERA ⚠️
— Lointek Gernika Bizkaia (@GKesb) December 20, 2021
Datarik gabe atzeratua @cukurovabasket -en aurkako @EuroCupWomen-eko kanporaketetako itzuliko partida.
⚠️ APLAZADO ⚠️
Aplazado sin fecha el partido de vuelta de las eliminatorias de la @EuroCupWomen ante el @cukurovabasket pic.twitter.com/g9WBHputHj
Eurocupeko joaneko neurketan, sekulako garaipena eskuratu zuten gernikarrek talde turkiarraren aurka. 24 puntuko aldearekin irabazi zuten Malosten (83-59), horrek itzulerako neurketarako suposatzen duen abantailarekin. Nolanahi ere, Turkiarako bidaiak itxaron egin beharko du. Oraingoz, «datarik gabe» atzeratzen dela soilik iragarri du Lointek Gernikak zein FIBAk ere.
Azken astean, koronabirusak gogor jo du saskibaloia, izan ere Araski talde gasteiztarrean ere hiru positibo antzeman zituzten ostiralean eta hala, asteburuko partida, Baxi Ferrolen aurkakoa, bertan behera geratu zen. Hala, pasa den asteburuan, soilik IDK Euskotrenek jokatu zuen eta jipoi mingarria jaso zuen Cadi La Seu taldearen aurka.