![Makbyel da Ocean Viking ontzian erreskatatutako gazteena; 18 egun ditu eta ia bizitzaren erdia itsasoan igaro du. (@SOSMedFrance)](/media/asset_publics/resources/000/859/499/article_main_landscape/sos-mediterranee.jpg)
Mediterraneo Zentralean 800 migratzaile inguru erreskatatu dituzten GKE-en hiru ontzik egunak daramatzate inguruko herrialdeek lehorreratzeko portu bat emateko zain, eta ontzietako pertsonen egoera larritzen ari dela ohartarazi dute.
Azken erreskatea Mugarik Gabeko Medikuak GKEaren Geo Barent itsasontziak egin du, ostegun honetako goizeko 04.00etan, 76 pertsona eta haur asko zituen ontzi bat aurkitu duenean. 458 pertsona erreskatatu ditu ordu gutxitan.
Pertsona horiek gauean erreskatatu zituen beste 27 migranteei batu zaizkie; asteazkenean, berriz, beste 300 pertsona erreskatatu zituen, Libiako kostatik atera eta atxiloketa zentroetan jasandako indarkeriaren zauriak erakusten dituztenak.
«Orain 458 migratzaile daude ontzian, eta joan den astean 160 migrante hil ziren Mediterraneo Zentralean, Europar Batasunaren ekintza ezaren ondorioz», salatu dute Mugarik Gabeko Medikuek.
🌊El #GeoBarents lleva a bordo a 355 personas supervivientes. Todas ellas huyeron de #Libia, y algunas presentan signos de violencia en sus cuerpos. @elliddy, nuestra responsable de comunicación a bordo del barco de rescate, relata las últimas horas en el #Mediterráneo central. pic.twitter.com/pfKnMPU9wX
— Médicos Sin Fronteras (@MSF_Espana) December 23, 2021
Sos Mediterranee GKEaren Ocean Vikingek erreskatatutako 114 gizon, emakume eta haurrak ere zain daude. «Horien artean 30 adingabe eta bi jaioberri daude, tortura eta sufrimendu egoeratik heldu dira, eta itxarote horrek mina luzatu besterik ez du egiten. Amek oso erditze zailak jasan dituzte Libian, eta sendabide medikoak behar dituzte berehala. Umeek neke seinaleak dituzte eta berehala lehorreratu behar dute», azaldu dute Twitter-en.
Sea Eye 4
Duela bost egunetik, Alemaniako Sea Eye GKEaren itsasontzia zain dago itsasoan, 216 migratzaile ontzian dituela. Sea Eye 4 Italiak lehorreratzeko baimenaren zain dago, Maltak migratzaileez arduratzeari uko egin eta Tunisiara bideratu ostean.
Sea Eye 4k lau erreskate operazio egin zituen Maltako SAR eremuan (bilaketa eta erreskatea ingelesez). Itsasontziak Maltako koordinazio zentroari jakinarazi zion pasabide bakoitzean, baina zentroak ez zuen inolako erantzukizunik izan. «Ez zien gure mezu elektronikoei erantzun, eta ez zuen erreskate eragiketen kontrola hartu», salatu zuten.
Nahiz eta urteko garai honetan Afrikako iparraldetik datozen migratzaileen etorrera murrizten den, Libiako ezegonkortasunak ez du fenomeno hori geldiarazi, eta urtarrilaren 1etik abenduaren 20ra bitartean 63.713 migratzaile iritsi dira Italiara; 2020ko aldi berean, berriz, 33.394.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)
EH Bildu, PSN, Geroa Bai y Contigo-Zurekin no permitirán más pisos turísticos en Alde Zaharra
![Vinicio](/media/asset_publics/resources/001/154/378/article_thumb_horizontal/vinicio.jpg)