Iaz birtualki egin ostean, Donostiako Lilatoiak bere izaera presentziala berreskuratu du igande honetan, eta harrera bikaina jaso du: 5.000 emakume baino gehiago atera dira Bulebarretik hasita bost kilometroko ibilbidean, berdintasuna aldarrikatzea helburu duen lasterketara. Aratz Rodriguez hondarribiarra izan da irabazle korrikaren modalitatean.
Handbike edo korrika modalitateetan atera dira, batzuk bakarka baina asko taldean, lagun, familia edo lankideekin, denak lehia gainditzen duen festaz gozatzera. Ordubeteko denbora izan dute guztiek ibilbidea amaitzeko eta Alderdi Ederren elkartu dira bukaeran.
Osasun egoera dela eta partaide kopuru murriztea erabaki zuten antolatzaileek eta, beraz, ez dira pandemia aurreko datuak erdietsi (2020an inoiz baino pertsona gehiagok hartu zuten parte, 6.565ek), baina 5.000 lagun ez da zifra makala.
Hamar minutu besterik ez dira falta Lilatoia’22 hasteko
— Reyes Carrere (@ReyesCarrere) March 6, 2022
♀️♀️♀️♀️♀️♀️♀️♀️♀️♀️♀️♀️♀️ pic.twitter.com/4ZcpS1vd5B
Ibilbidearen zati handi bat musikaz girotuta egon da, Emakumeen Etxearen batukadaren zein 3txulo txarangaren eskutik, eta hala, euriak ez du lortu giroa itzaltzea.
Aurreko edizioetan ez bezala, aurten izen emateak 12 euroko prezioa izan du eta Why Not Fundaziora bideratu da euro solidarioa, gaixotasun eta nahasmendu mentalak dituzten pertsonen eta haien senideen bizi-kalitatea hobetzen laguntzeko.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
