![Emakumeen Nazioartekoe gunean mobilizazioa egin dute ikasleek Bilbon.](/media/asset_publics/resources/000/880/099/article_main_landscape/m8.jpg)
Astearte honetan ospatzen den Emakumeen Nazioarteko Eguna hainbat sindikaturen mobilizazioekin hasi da. Zaintza sektoreko langileek elkarretaratzeak egin dituzte Bizkaiko, Gipuzkoako eta Arabako Foru Aldundien egoitzen aurrean, LABek deitutako manifestazioetan, zaintzaren demokratizazioa eskatzeko. Zaintzaren prekarietateari aurre egiteko lan hitzarmen justuaren beharra azpimarratu dute eta sektorearen pribatizazioaren debekua, «lan baldintzak ezin baitira inoren negozioa izan».
Bilbon, langileek esekitoki bat jarri dute Bizkaiko Aldundiaren egoitzaren aurrean, eta bertan hainbat garbiketa elementu zintzilikatu dituzte, hala nola gomazko eskularruak edo plastikozko txanoak. Horrela «zainketen negozioa» salatu dute.
Bertan, EAJen pribatizazioaren aldeko apustua kritikatu eta zaintzaren sektorearen erregulazioaren beharra azpimarratu dute.
Iruñean, PSNren egoitzaren aurrean egin dute protesta. «Zaintza sektoreetako langileek esklabotzatik gertu dauden lan baldintza prekarizatuak pairatzen dituzte, eta errealitate horrek erantzule argia du: pribatizatu eta zaintza negozio bihurtu duten horiek», adierazi du Idazkaritza Feministako idazkari Elixabete Etxeberriak.
Zaintzaren negozioarekin amaitzeko eta sistema publiko komunitario baterako urratsak emateko eskatu diegu EAJ eta PSN alderdiei #Martxoak8 #Bultza #FuntsezkoakBeti
— LAB SINDIKATUA (@LABsindikatua) March 8, 2022
Egoerak konponbidea behar du berehala
👇👇👇https://t.co/7NTsE8KKsK pic.twitter.com/ak5a3HHfZz
Donostiako Kursaalen, berriz, ELAk «denontzako zaintza publikoa» aldarrikatu du. Zaintzaren sektorean enpresa pribatuek etekinak lehenesten dituztela salatu dute.
Zaintzaileen prekarietatearen aurka gogor salatuz, lan baldintzak duindu eta kalitatezko zerbitzua eskaini behar dela adierazi dute. Etxeko langileen eskubideak ere bermatu behar direla nabarmendu dute, izan ere «haien lana ikusezinagoa izanik, behin eta berriro ukatzen zaizkie soldatapeko langileen lan eskubideak».
ELA sindikatuak deituta, hilabeteak greban daramatzaten garbitzaileak mobilizatu dira Bilbon, soldata arrakalaren aurka protesta egiteko, besteak beste.
UGTko idazkari nagusia, Raul Arza, eta sindikatuko Berdintasuneko, Gizarte Politiketako eta Aniztasuneko idazkaria, Xuria Arza, Bilbon elkartu dira emakumeen lan baldintzen hobekuntza eskatzeko. Azaldu dutenez, behin-behinekotasuna eta partzialtasuna dira arazo handienetako bi, «lanaldi partzialeko hiru kontratutik bi emakumeak baitira». Lan arrakala txikitzeko negoziazio kolektiboaren alde egingo dutela azaldu du Arzak, berdintasun planak aurrera eraman eta genero-indarkeriari eta laneko jazarpenari aurre egiteko.
Iruñean ere, UGT eta CCOO elkartu dira bi sindikatuko egoitzetan berdintasunaren aldarrikapena egiteko. ‘Biziak, askeak, batuak’ lelopean, «erabateko berdintasun eraginkorra» aldarrikatu dute globoak bandera moreak eta kartelekin.
Era berean, Nafarroa soldata-arrakala handiena duen Estatuko bigarren autonomia-erkidegoa dela salatu dute: «Emakume batek gizon batek baino 6.836 euro gutxiago kobratzen baitu; beraz, emakumeen soldata %28 igo beharko litzateke berdintzeko».
Greban dauden Artiacheko langileek pikete feminista egin dute Orozkoko lantegiaren sarreran.
Pikete feminista @ArtiachBorrokan oraintxe bertan.
— Sortu Aiaraldea (@SortuAiaraldea) March 8, 2022
Prekarietateari SUA🔥#Martxoak8 pic.twitter.com/PyXJ3pSO1x
Ikasleak
Euskal Herriko unibertsitateetako campusetako talde feministek mobilizazioak egin dituzte gaur goizean. Gainera, EIKI Leioako neska* ikasle taldea jardunaldi feministak burutzen ari da martxoan hainbat hitzaldi eta tailerrekin.
Ikastetxe eta institutuetan, Ikama ikasle antolakundeak ere hainbat mobilizazio egin ditu.
Bergarako ikasleriaz harro!!💜💜💜💜💜
— Ikama Bergara (@BergaraIkama) March 8, 2022
Jendetza batu ga Bergarako neska* gaztiekin batera antolau dittugun tailer eta konzetraziñuan!
Gora Euskal Herria feminista!💜
Gora Neska* ikaslion borroka!
Feminismoa hezkuntza sistema aldatzeko! pic.twitter.com/D11AMthwbT
Ikasleen Sindikatuak greba deitu du, Bilbon, Donostian eta Gasteizen manifestazioak eginez eguerdiko 12.00etan.
Ernaik ere irakurketa atera du Mugimendu Feministak arratsaldean antolatutako mobilizazioetan parte hartzeko dei eginez. «Neska gazteok* nazkatuta gaude gure bizitzen kontra doan sistema batean bizirauteaz. Izan ere, kapitalismo zisheteropatriarkalak kapitala eta honen metaketa zentroan kokatzen ditu eta gizartea honen arabera antolatzen du, bizitzen beharren arabera antolatu beharrean. Nazkatutak gaude bizitzen aurka doan sistema honekin. Su emango diogu gure neurriko Euskal Herria feminista eraikitzeko», adierazi du gazte antolakundeak.
Erakunde publikoak
Erakunde publikoek ere agerraldiak egin dituzte martxoaren 8 honetan haien irakurketak plazaratzeko.
Nafarroako Gobernuak COCEMFEk emakumeen eta gizonen arteko aukera-berdintasunarekiko duen konpromisoa balioan jarri du ‘Berdinna’ sariarekin. Sari honekin, berdintasunaren alde lan egiten duen erakundearen 16 urteko ibilbidea aitortzen du, bereziki desgaitasunaren arloan. María Chivite presidenteak eman du saria.
«Berdintasuna gizarte gisa proposatu behar den helburua izan behar da, erakundeetatik hasita. Iraupen-lasterketa bat da; horregatik, lanean jarraitu behar dugu egunez egun, pausoz pauso, atsedenik gabe, benetako berdintasun eraginkorra lortu arte», adierazi du Chivitek.
Lakuako Gobernuak gizarte osoari «konpromisoa eta inplikazioa» eskatu dio, «berdintasunaren bidean aurrera egiteko eta berdintasunezko etorkizuna lortzeko».
«Errebindikaziorako eguna bat, aurrerapausoak eman diren arren, mundu osoan gizonen eta emakumeen arteko egiturazko desberdintasunek dirautelako. Desberdintasun horiek hainbat adierazpen ditu, hala nola soldata arrakala, emakumeek boterea eta erabakiak hartzeko eremuetan sartzeko duten zailtasuna, zaintza- eta etxeko lanen banaketa desorekatua edo emakumeen aurkako indarkeria», adierazi du Beatriz Artolazabal Berdintasun, Justizia eta Gizarte Politiketako sailburuak.
Arabako Foru Aldundiak adierazpen instituzional bat onartu du, «berdintasunaren aldeko lanean genero ikuspegia eta giza eskubideak indartzeko» konpromisoa hartuz.
Bilboko Udalak konpromisoa agertu du aurrera egiteko berdintasun arloko politiken eta zerbitzuen diseinu eta planifikazioan. Horretarako hainbat ekintza aipatu ditu: Berdintasun politikak garatzeko ekonomia-baliabideak, giza baliabideak eta baliabide teknikoak indartu; Herritarrak areago sentsibilizatu; era guztietako indarkeria matxistaren biktimendako arreta-sistema handitu; administrazioko langileen artean berdintasunaren arloko formazioa sustatu...
💜🤩➡ #Martxoak8 Emakumeen Nazioarteko Egunari hasiera eman dio #zumba saioak 🥳
— Urduñako Udala (@urdunakoudala) March 8, 2022
Egitarau osoa 👉 https://t.co/KUXJ7U4abs
💜🤩➡ Una sesión de #zumba ha dado comienzo al #8deMarzo #DíaInternacionaldelaMujer 🥳
Programa completo 👉 https://t.co/GgzzAU3EaO pic.twitter.com/Jj7d2EHT6D
Hainbat enpresetan ere elkarretaratzean izan dira.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![0729_eg_freixas(1)](/media/asset_publics/resources/001/141/247/article_thumb_horizontal/0729_eg_Freixas(1).jpg)
Vivir con sentido, clave en un envejecimiento heterogéneo
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Gernika](/media/asset_publics/resources/001/142/419/article_thumb_horizontal/gernika.jpg)