Lakuako Gobernuko Garraio Sailak zortzi milioi euro inbertituko ditu Usurbilgo tren geltoki berria eraikitzeko, astearte honetan ohar batean berri eman duenez.
Azaldu duenez, trenbide-pasagune bi kenduko ditu eta N-634 errepidearen gainean pasabide berri bat eraikiko du, hirigunearen eta trenbideko instalazioen arteko lotura hobetzeko eta Ingemar industrialdearekin iragazkortasuna hobetzeko.
Euskal Trenbide Sarea erakunde publikoaren kontratazio mahaiak proiektu honen lizitazioa onartu du bere azken bileran. Lanak egikaritzeko epea 30 hilabetekoa da eta 8.065.063,97 euroko oinarrizko aurrekontua dute. Administrazio izapideak aurreikusitakoaren arabera egiten badira, geltokiaren obrak urtea amaitu baino lehen hasiko direla kalkulatzen du ETSk.
Tren geltokia Usurbilgo erdigunearekin lotzeko pasabidetik hurbilago dagoen kokaleku berri batean eraikiko da. Horretaz gain, sarbideak eraberritzea, geltokiaren ingurua urbanizatzea eta trenbideak berriztatzea ere jasotzen da egitasmoan.
Lanak amaitutakoan, geltokia bi trenbide zuzenek eta amaieran topea duen bazterbide batek osatuko dute. Gainera, alboko bi nasa jarriko dira zirkulazioko trenbide nagusi bakoitzerako.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Euskal ikurrak Sanferminetan eta zenbait kalejira euskal selekzioa aldarrikatuz
Casi todos los incidentes imaginables se suceden en un encierro de la villavesa lento e irreal
