Hego haizea gogor ari da jotzen Euskal Herrian eta kostaldean bereziki oso gora eraman ditu termometroak. Urriaren bigarren hamabostaldian egonik, batere arrunta ez den gau tropikala izan da gaurko hau.

Gipuzkoa eta Lapurdiko itsas eremuetan epeltasuna ez, benetako beroa sentitu da gau honetan, eta egunsenti aldera ere ez da termometroa apaldu. Bereziki nabarmentzekoa da Hondarribiako Higerren 06.00etan neurtu den tenperatura, 27 gradutik gorakoa.

🌡 #Orain #Ahora

✅Kantauri isurialdean tenp. oso altua da, gaua tropikala izan da. 06:00etan (ºC):

✅En la vertiente cantábrica la temp. es muy alta, la noche ha sido tropical. A las 06:00 (ºC):

📌Higer: 27.1
📌Lasarte: 24.9
📌Zizurkil: 24.3
📌Amundarain: 24.1
📌Mungia: 23.0 pic.twitter.com/2iIm95vhV0

— Euskalmet (@Euskalmet) October 19, 2022

Euskal Herriko barnekaldean askoz motelagoa izan da beroaldi honen eragina. Honela, Gasteizen 14 gradurekin esnatu dira, eta Iruñean, 15 gradutara.

Hurrengo gauean ere antzekoa gerta daitekeela aurreikusten da. Egunean zehar, bai eta ostegunean ere, termometroak 28 gradu ingurura igo daitezke, kostaldean zein barnekaldean.

Ostiraletik aurrera freskatzen hasiko dela dirudi, baina euriaren arrastorik ez da apenas agertzen aurreikuspenetan.

[Eguraldiari buruzko informazio osoa Naiz Eguraldian]