2023ko Tourra Bilbon hasiko da uztailaren 1ean eta lehendabiziko hiru etapak, oso-osorik, Euskal Herrian lehiatuko dira. Lehen etapa Bilbon abiatu eta Bilbon bukatuko da; bigarrena, Gasteizen hasiko da eta Donostian izango du helmuga eta hirugarrenak, Zornotza eta Baiona lotuko ditu.
"Grand Depart" delakoa ("Hasiera Handia", frantsesez) izango da euskal lurretan jokatuko dena, azkenengo edizioan, esaterako, Danimarkan hasi zenaren antzera. Aurreneko hiru etapa hauei sona eman asmoz, sare sozialen bitartez hainbat eduki ari dira argitaratzen, Euskal Herria eta txirrindularitzaren arteko lotura estua nabarmenduz.
Promozio bideo bat argitaratu berri dute, hunkigarria, euskaldunek txirrindularitzarekiko daukaten pasio islatzea xede duena. «Welcome to the Basque Country, welcome to the bike country» da lelo nagusia.
⚪️ Welcome to the 헕헔헦헤헨험 Country
— Grand Départ Pays Basque 2023 (@letour_euskadi) November 8, 2022
♀️Welcome to the 헕헜헞험 COUNTRY
#GrandDepartPaysBasque2023 sustatzeko bideo bizia #ongieTOURri #TDF2023@Gob_eus @Bizkaia @bilbao_udala @Gipuzkoa @DonostiakoUdala @vitoriagasteiz @Araba @amoretxanoudala @LeTour pic.twitter.com/dbXRGCGr9n
«Txirrindularitza maite baduzu, hemen duzu paradisua», esaten du pasarte batek. Zaleen babes handia eta errespetua ere nabarmentzen dira bertan («hutsik egiten ez dutenak, beti hor daudenak, igoera mitikoan zein herriko lasterketan»).
«Txirrindulariak non, ikurrina han», ziurtatzen da bertan, irudi historikoez osaturiko ikus-entzunezko argitalpenari nostalgia kutsua erantsiz.
Era berean, Euskal Herriak txirrindularitza praktikatzeko eskaintzen dituen aukera anitzak ere zehazten dira, bai eta 250 txirrindularitza taldek egiten duten lana ere.
«Kantauri itsasoaren eta pirineoen artean bada leku bat, paregabea. Bailaraz, mendiz eta bide estuz; bihurgunez eta malda gogorrez betea. 499 mendate eta 252 kilometroko itsas bazterra duen herria, txoko ezkutuez betea. Pedalei eragin ,eragin eta eragin eta gozatzeko. [...] 250 kluben indarraz, 11 profesional, munduko lau txapeldun eta zalerik onenak.
«La ministra Robles me dijo que pasemos página, que nos olvidemos del ‘caso Almería’»
«Hay que aprovechar los momentos políticos favorables para la denuncia de la tortura»
Fallece Antxon Lafont, empresario soberanista, mecenas y «peatón» en GARA
Donostia colocará una placa por Mikel Zabalza a las puertas del cuartel de Intxaurrondo
