![Beti Onakek ondo jokatu ditu bere kartak Zuazoren aurkako derbian.](/media/asset_publics/resources/000/955/498/article_main_landscape/Beti-Onak-Zuazo-Ona.jpg)
Ligak etena izan zuen Europako txapelketagatik. Iragan asteburuan bueltatu zen lehiaketa, eta bigarren jardunaldira itxoin behar izan da euskal derbia bizitzeko. Eta a zer nolako derbia eskaini dute Beti Onakek eta Zuazok! Lehen zati orekatu baten ostean (14-14 atsedenaldira), nafarrek 6-2ko partzial bat sinatu dute 20-16 alde egiteko markagailuan eta, bizkaitarrak bi golera gerturatu badira ere, etxekoek garaipena lortu dute (29-25).
Atarrabiako kiroldegian bildutako zaleek eskubaloi partida polita jarraitu ahal izan dute. Lehen minutuetan hiru berdinketa ikusi dira neurketan (1-1, 2-2 eta 3-3), baina momentu horretan Zuazok abantaila hartu du markagailuan Magdalena Fernandez-Agustiren bi goli esker (3-5).
Ondoren, hiru goleko errenta ere eskuratu dute Barakaldokoek (5-8), baina etxekoek ez zuten amore eman nahi eta 10na berdintzea lortu dute 20:34 minutuan. Hortik atsedenaldira bitartean beste bi berdinketa eman dira (11-11 eta 14-14), etxekoek 12-14tik 14-14ra pasaz.
Atsedena hobeto etorri zaie nafarrei, eta lehen zatiaren amaieran lortutako boladari jarraipena eman diote. Izan ere, beste martxa bat sartuta, 14-14tik 20-16ra pasa dira sei minututan. 24-20 ere joan da markagailuan, baina Zuazok hortzak estutu eta bi golera ipini da, 24-22 eta 25-23, baina momentu horretan Loverak penaltia sartu du 26-23koa ipinitzeko.
Beti Onakek ez zuen oraindik garaipena bere eskuetan, eta Zuazok ez zuen hain goiz amore eman nahi. Hala, Andrea Zalduak 26-24koa egin du, baina hor amaitu dira esperantza guztiak, nafarrek oso ondo jokatu baitituzte azken minutuak garaipena erdiesteko.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Captura_de_pantalla_2024-07-25_a_las_15.22.51](/media/asset_publics/resources/001/140/611/article_thumb_horizontal/Captura_de_pantalla_2024-07-25_a_las_15.22.51.png)
UPN manipula una imagen para borrar las referencias a Euskal Herria de la camiseta de un edil
![Alpargata-maule](/media/asset_publics/resources/001/140/789/article_thumb_horizontal/alpargata-maule.jpg)
Arranque de temporada complicado para los últimos fabricantes de alpargatas suletinas
![Gasteiz](/media/asset_publics/resources/001/140/870/article_thumb_horizontal/gasteiz.jpg)