Bilboko hamar gizarte taldek ‘10 Giza Eskubideak’ plataforma sortu dute manifestazioa deitu dute datorren abenduaren 10erako, «oinarrizkoak diren eskubideak» betetzea eskatzeko, hala nola, etxebizitza eskuratzeko eskubidea, osasun-arreta, elikadura, jantziak edo gizarte-zerbitzuak.

Abenduaren 10ean, datorren larunbatean, Giza Eskubideen Nazioarteko Eguna ospatzen da eta plataformak jakinarazi duenez, 1948tik Giza Eskubideen Aldarrikapen Unibertsala egin arren, gaur egun «eskubideak eta, are gutxiago, askatasunak errespetatzen ez direla» salatzen dute mobilizazioan irakurriko den manifestuan.

Plataforma honako elkarte hauek eratzen dute: Alboan, Aletu, Amnistia Internacional, Bizitegi, FEKOOR, Federación de Asociaciones Vecinales de Bilbao, Euskalerriko Eskautak Bizkaia, Ongi Etorri Errefuxiatuak, Zubietxe eta E.A.P.N. Euskadi.

Erakunde hauek botere publikoei eskatzen diete «beren inmobilismoa utz dezatela» eta «modu eraginkorrean» bete ditzatela oinarrizko eskubideak herritar guztientzat, baina baita biztanleria migratzailearentzat ere. Besteak beste, «etxebizitza, osasun-arreta, elikadura, jantziak, gizarte-zerbitzuak eta gizarte-partaidetza» nabarmentzen dituzte.

Era berean heteropatriarkatua «eraistea» eskatzen dute, «emakume guztiek beren bizitzak indarkeriarik gabe eta soldata duinekin bizi ditzaten». Halaber, sexu-orientazioa eta genero-identitatea «diskriminaziorako oinarri debekatutzat» hartzen dituzten lege zabalak aldarrikatu dituzte.

Ingurumenari dagokionez, naturaren zaintzarekiko konpromisoa eskatzen dute, «iraunkortasun ekologikoa lehenetsiz nazioz gaindiko boterearen interes ekonomikoaren gainetik», «Amazoniaren espoliazioan eta planetako beste ekosistema batzuetan parte hartzen duten enpresen zigorgabetasunari amaiera emateko».

Larunbateko manifestazioa 11.30ean hasiko da Arriaga Plazan eta Lakuako Gobernuaren egoitzan amaituko da.

Bilboko gizarte-taldeek ibilaldi bat egingo dute datorren larunbatean, abenduak 10, Arriaga plazatik 11:30ean abiatu eta Eusko Jaurlaritzaren aurrean amaituko da, Giza Eskubideen Nazioarteko Eguna dela eta, "Altxatu zure eskubideen alde" lelopean. pic.twitter.com/RCICQLQVv8

— FEKOOR (@Fekoor) December 8, 2022