![Salbuespen neurrien aurkako olan handi bat, Sarek iragan urtarrilaren 7an Bilbon egin zuen manifestazioan.](/media/asset_publics/resources/000/974/444/article_main_landscape/sare-bilbo.jpg)
Azkoitiko bizilaguna den Asier Karrera etxarriarra espetxera itzularazi duen gradu erregresioaren aurkako adierazpen bana onartu dute bi herriotan.
Etxarri Aranazko korporazioak zein Azkoitiko EAJ, EH Bildu eta Azkoitia Bai alderdiek –PSEk aurka agertu da– adierazpen bana onartu dute «Fiskaltzak espetxe-organoek hartutako ebazpenen aurka behin eta berriro errekurtsoak jartzen dituela eta» kezka adierazteko.
Bi testuotan gogoratzen dute «kontuan hartu behar da organo horiek direla presoek espetxean duten bilakaera ondoen ezagutzen dutenak».
Hori dela eta, eskatu dute, «ebazpen judizialek merezi duten errespetua aintzat hartuta, ebazpen horiek bateragarriak izan daitezela Espetxeetako Administrazioko organoen erabakiekin, gradu progresioak eta/edo espetxeko baimenak arau izan daitezen, eta ez salbuespena».
Karrera 2000. urteko azarotik dago preso eta iragan urriaren 6an, lege arrunta aplikatuz, hirugarren gradua eman zioten. Hala ere, joan den astean espetxeratu zuten berriro, bigarren espetxe-graduan jarrita, Espetxe Zaintzako Epaitegi Zentralak hala erabakita, Auzitegi Nazional espainoleko Fiskaltzak eskatu ondoren.
Bi udaletan adostutako testuak nabarmentzen du maiatzean betetzen dituela zigorraren hiru laurdenak eta, beraz, «bere zigorraren erdia betea eta legeak eskatzen dituen baldintza guztiak betetzen ditu 3. graduan egoteko».
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
El ‘número dos’ de la Ertzaintza insulta a una persona que grababa un arresto en Polonia
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Gernika](/media/asset_publics/resources/001/142/419/article_thumb_horizontal/gernika.jpg)