![Ariadne Osasunako jokalaria gaur Taxoaren bere kabuz entrenatzen.](/media/asset_publics/resources/000/982/799/article_main_landscape/FrQTe6lXoAEnrwR.jpg)
Osasunak gaur ekin die entrenamenduei, bi eguneko atsedenaren ostean, igande honetan Villarealen aurka Sadarren (16.15ean) jokatuko duten partida prestatzeko. Aridanek eta Ruben Peñak ez dute taldearekin osatu lan saioa, eta beren kabuz entrenatu dira.
Erdiko atzelari kanariarra baloiarekin aritu da, alde batetik bestera korri eginda eta argi utzita ez duela ezer larririk, eta ez duela izango arazorik igandeko partida jokatzeko. Aridane denboraldiko unerik gozoenean dago.
Bestalde, Peña alboko atzelariak taldearekin entrenatu gabe jarraitzen du, eta gaur erritmo baxuan ibili da korrika zelaian hamar bat minutuz. Peñak lesio muskular bat izan zuen eskuineko izterrean orain dela bi hilabete eta erdi, eta osatzeko prozesuan, pixkanaka-pixkanaka joan nahi du, atzerapausorik ez emateko.
Peña ez ezik, Aimar Oroz ere ez da egongo igandean, Valentziaren aurkako partidan bosgarren txartel horia ikusi zuelako, eta zigorra bete behar duelako Villarealen kontra.
Herrerak ligan jokatzen jarraituko du
Jagoba Arrasateren esanetara entrenatu duten gainerako jokalariek intentsitate handiz aritu dira, eta aipagarriena izan da Sergio Herrerak egin dituen geldiketa bikainak. Atezainak badaki Athleticen aurkako Kopako partida segituan izango dela, eta hamaikakoan egongo dela, beraz, partida horrek duen garrantziaren jakitun, gaur maila bikaina erakutsi du entrenamenduan.
Kopako itzuliko partida baino lehen, ligako bi jardunaldi jokatuko ditu Osasunak –Villarealen eta Mallorcaren aurka–, eta Herrerak aukera izan dezake jokatzeko, Athleticen aurkako neurketarako konfiantza hartze aldera. Hala erabaki zuen Jagoba Arrasatek aurreko partidan ere, Valentziaren aurka.
Igandeko partidari begira, gorritxoek Sadarren irabazi nahiko dute, etxean irabazi zuten azkeneko partida pasa den urtarrilaren 14an izan zelako, Mallorcaren aurka.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)