![Bera Berako jokalari eta teknikariak Donostiako Udaleko ordezkariekin.](/media/asset_publics/resources/000/996/137/article_main_landscape/berabera2.jpg)
«Udalean gehien hartu dugun taldea da Bera Bera, banatzeko genituen oroigarri guztiak jaso dituzue eta beraz, oraingoan, zerbait orijinala pentsatu dugu», adierazi du Eneko Goia Donostiako alkateak, taldeko jokalari eta teknikari guztien aurrean, bai eta erakundeko zenbait ordezkari ere –Martin Ibabe (Udaleko Kirol zinegotzia), Reyes Carrere (EH Bildu), Nekane Arzallus (EAJ) eta Aitzole Araneta (Elkarrekin Podemos), besteak beste–.
Koparen txokolatezko erreplikaren entrega egin diote Bera Berari, jokalari guztien harridurarako. Choc-arte Donostiako gozogileak –Bengoetxea kalean dauka egoitza– egin du eta harrera bukatu aurretik, zenbait hozkada eman diote, noski, denboraldiko azken txanpara begira indarrak hartu asmoz.
Larunbat honetan, 18.00etan, Motivo.co Gijonen aurkako final-laurdenetako itzulerako partida jokatuko dute Gascan. Han, 10 goleko aldearekin irabazi zuten eta zaila dirudi donostiarrei finalerdietarako txartelak ihes egitea. Dena dela, zuhurtziaz mintzatu da Alba Menendez kapitaina NAIZekin. «Pentsatu behar dugu ez dagoela guztiz eginda eta beste partida bat bailitzan moduan lehiatzea», adierazi du zarauztarrak.
Hori bai, harreran mikrofonoak hartu dituenean argi esan du ligaren bila doazela eta «ea hilabete barru berriro elkar ikusten garen». 10 urte pasa dira Bera Berak aurreneko liga irabazi zuenetik, bai eta lehen aldiz denboraldi bakar batean hiru garaikur irabazi zituenetik ere, Reyes Carrere entrenatzaile zela. Une horiek gogorarazi dituzte egungo kapitain eta teknikari ohiak.
«Hamarkada hau borobiltzeko aukera ezin hobea litzateke», esan du Menendezek, oraindik urrats asko falta zaizkiela nabarmenduz. «Behintzat, bide onetik goaz».
Zazpi Kopa irabazi ditu Bera Berak, oraingoz 8 liga eta beste hainbeste Superkopa. «Ez gara kontziente egiten ari zareten ibilbideaz», aitortu du alkateak, zailena elitean «mantentzea» dela gogoratuz eta Bera Bera «emakumezkoen kirolean jada erreferente bilakatu» dela azpimarra eginez.
«Txokolateak indarra ematen du, energia plus bat eta ea geratzen den azken txanpan honek indartu egiten gaituen», adierazi du Menendezek. Argi dagoena da azken txanpa estu hau «goxatu» egingo duela txokolatezko Koparen erreplikak.
Beste “garaikur” bat esku artean, Gipuzkoako Aldundira hartu dute bidea, han beste harrera bat jasotzeko.
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)