Bi gazte atxilotu dituzte Urduñako (Bizkaia) ‘Otxomaio’ jaietan hainbat neskari ukituak egiteagatik, sexu-erasoa egitea egotzita. Goizaldean, beste bi gazte atxilotu dituzte lapurretan ibiltzeagatik.
Lakuako Segurtasun sailak igande honetan jakitera eman duenez, gauerdia baino pixka bat lehenago atxilotu zituzten gazteak. Izan ere, Urduñako jai-eremuan gizon batzuek ukituak egin zizkietela salatu zuten hainbat neska gaztek.
Uruñako jaiak zirela eta, propio ezarritako zaintza-dispositibo berezi bateko kide ziren ertzainak biktimekin harremanetan jarri ziren, eta, handik gutxira, ustezko egileak identifikatu eta atxilotzea lortu zuten, sexu-eraso delitu bat egotzita.
Beste bi atxilotu goizaldean
Goizaldean, beste bi gazte ere atxilotu zituzten, lapurretarekin lotutako delituengatik azken hauek. Txosnen inguruan telefono mugikorrak lapurtzen harrapatu ostean, polizia agenteek beste bi pertsona atzeman dituzte.
Susmagarriak identifikatu eta goizaldean bertan atxilotu dituzte. Haietako bati urrezko eskuko kate bat aurkitu diote, eta larunbatean bertan, Bilbon emakume heldu bati indarkeriaz egindako lapurreta batean kendutako izan daitekeena. Lau atxilotuak ertzain-etxera eraman dituzte, beharrezko izapidea egiteko.
El estreno de Iñaki Kerejazu como Celedón desborda Gasteiz con recuerdo a los ausentes
Una joven de 15 años fallece en el accidente de una familia madrileña en Oibar
UPN quiere censurar a Raimundo el Canastero en las fiestas de Tafalla
Gabarra zahar baten koadernoa berreskuratu dute Donostiako Ondarreta hondartzan
