Txuriz, berdez eta gorriz margotu da goitik behera Gasteiztik Donostiarako ibilbidea bigarren etapa honetan. Telebista bidez heldu dira mundu osora nazio aldarrikapena, erabakitzeko eskubidearena, independentziarena eta baita presoen etxeratzearena ere.
Tourraren zuzeneko emisioak zabaldu dituen irudiak ikusgarriak izan dira, Arrasaten esaterako. Bertako futbol-zelaian, Atxabalpen, ikurrina eta Nafarroako bandera handiak kokatu dituzte berdegunean, helikopterotik nabarmendu zitezen.
Herri honen erdigunean ehunka eta ehunka lagun atera dira kalera, ikurrinak eskuetan, gehienak ‘Basques decide’ aldarria zutenak. Une batean lau erraldoi dantzan ageri dira, tropela hortik igarotzerakoan, ikurrina soinean zutela.
Kilometro batzuk lehenago, Legution euskal presoen etxeratzearen aldeko ikur ugari azaldu da telebistetan, kalean zein balkoietan eskegiak.
Gure Eskuk prestatutako ikurriña erraldoia Larraitzen zabaldu da gaurkoan, honek ere arreta handia erakarriz.
Zertxobait lehenxeago, Oñatin, independentziaren aldeko aldarriak hartu du indarra, pankarta handi baten bitartez, Sortuk eginiko ekimenean.
Hasiera-hasieratik euskal ikurrez bete da ibilbidea. Adibide adierazgarri gisa, honakoa da Gasteizko Udalak zabaldu duen irudia, Ama Zuriaren Enparantzan hartutakoa:
Luis Cañas, la esencia de Rioja Alavesa en las tiendas de EROSKI
Ultras del Maccabi, golpeados en Amsterdam tras provocar gritando «muerte a los árabes»
«Antes teníamos una vida difícil; ahora, todo se acabó»
Dimite un vicerrector y candidato de Ferreira tras atacar a Bengoetxea desde un perfil anónimo
