![Arrasate kanpoaldean zegoen Sara Merenderoa erabat erre da sute batean.](/media/asset_publics/resources/001/017/808/article_main_landscape/Sara_Merenderoa.jpg)
Lakuako Gobernuko Segurtasun Sailak jakinarazi duenez, erabat kiskali da Arrasateko Sara Merenderoa. Larunbat honetako goizeko zazpietan lortu dute suhiltzaileek garrak itzaltzea. Zorionez, suak ez du inor zauritu eta ez da ondoko etxebizitzetara ailegatu. Herriaren kanpoaldean kokatutako baserri merendero bat zen Sara.
Ertzaintzak 29 urteko gizonezko bat atxilotu du, bart gauerdian bertara lapurtzera sartu eta ondotik sua piztu zuela uste baitu. Epailearen aurrean deklaratu ostean, aske geratu da, karguekin. EiTB taldearen arabera, epaileak ez du atzeman sutea nahita eragin duela baieztatzeko zantzurik.
Suhiltzaileek azaldu dutenez, larunbat goizaldean izan dute sutearen berri, ordu bata aldera, eta iritsi direnerako garrak hagitz indartsuak ziren. Esku hartzen saiatu diren arren, bi solairu eta teilatupea zituen baserria, Sara Merenderoa, erabat erre da. Arrasateko Meatzerrekako 19. zenbakian zegoen, Kanpazarreko igoeran, N-636 errepidean.
Sugeldoa zaintzen
Hogei bat suhiltzaile hurbildu dira guztira Sara Merenderora, Oñati, Eibar, Legazpi eta Azpeitiko parkeetatik. Sua itzaltzeko ahaleginean aritu dira, sei zisterna kamioi, autoeskalako bat eta beste hiru ibilgailu lagun zituztela.
Larunbat honetako goizeko zazpietan lortu dute garrak itzaltzea. Hala ere, suhiltzaile batzuk bertan gelditu dira, badaezpada, sugeldoa zaintzen.
![Donostiako_piratak_elkarrizketa](/media/asset_publics/resources/001/144/741/article_thumb_horizontal/Donostiako_Piratak_Elkarrizketa.jpeg)
«Hau ere bada erreibindikazio bat, geureak diren kaleak berreskuratzearena»
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Piratak2](/media/asset_publics/resources/001/145/816/article_thumb_horizontal/piratak2.jpg)
1.500 piratek abordatu dute Donostia
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)