![Karl Lauterbach, Alemaniako Osasun ministroa, kanabisaren kontsumoa erregulatzeko lege-proiektuaren aurkezpenean.](/media/asset_publics/resources/001/025/832/article_main_landscape/cannabis.jpg)
Karl Lauterbach Alemaniako Osasun ministro sozialdemokratak adierazi du espero duela onartu berri den kanabisaren kontsumoa arautzeko lege-proiektuak drogari buruzko herrialdearen politiketan «epe luzerako birajea» suposatzen duela. 2023. urtea amaitu baino lehen Parlamentuko izapidea gainditzea espero dute.
Arau honekin «merkatu beltzak atzera egitea» eragin dezaketela uste dutela adierazi du ministroak Berlinen eskainitako prentsaurreko batean.
Ministroen Kontseoluak asteazken honetan onartu duen planaren arabera, 18 urtetik gorakoek gehienez 25 gramo kalamu (eta gehienez 50 gramo hilean) erosi ahal izango dituzte propio sortutako elkarteen bidez. Elkarte horiek laborantzarako lizentzia izango dute, eta elkarte horietako kide izan beharko dute.
Aldi berean, eskala handiko kontzientziazio-kanpaina bat abiaraziko dute, kanabisaren osagai psikoaktibo nagusia den THCren kontsumoak haur eta nerabeengan dituen arriskuez ohartarazteko, eta dagozkion prebentzio-programak zabalduko dituzte.
«Gazte bakoitzak jakingo du: kanabisa erregulartasunez kontsumitzen badut, burmuina kaltetzen ari banaiz, agerraldi psikotikoak garatzeko aukera gehiago izango ditut, ezin itzulizko arreta-nahasmenduak izan ditzaket», adierazi du Lauterbachek.
Ministroak azaldu duenez, Ameriketako Estatu Batuetakoa edo Herbehereetakoa bezalako ereduen aurrean, berea da egokiena merkatu beltza gero eta «problematikoagoa» den egoera bati galga jartzeko, substantzia toxikoekin nahasteak eta THC dosi altuak eragiten dituztelako.
Alemanian adingabeen droga kontsumoak gora egin du eta kriminalitatearen goraldiari ere aurre egin behar diote; izan ere, ministroak gogorarazi duenez, une honetan, herrialdeko drogekin lotutako delituen %50 kanabisarekin lotuta daude.
«Kontsumoa mugatu eta seguruagoa egin nahi dugu, baina ez zabaldu», esan du ministroak.
Kanabisa landatzeko lizentzia duten elkarteek ia kostu-prezioan banatuko dutenez eta kalitatea bermatuko dutenez, Lauterbachek nabarmendu du du kontsumitzaileek aukera horren alde egin eta merkatu beltza uzteko itxaropena dutela.
Aldi berean, elkarte horietako bakoitzak ezin izango du 500 kide baino gehiago izan nolabaiteko kontrola bermatzeko, eta publizitatea debekatuta egongo da; aldi berean, kontsumoari muga batzuk ezarriko zaizkio, oraindik zehazteke egon arren, ibilgailuak gidatzeari dagokionez.
Lege-proiektua eztabaidagai izan da Alemanian, kanabis-kontsumitzaileen erakundeentzat labur geratzen delako eta muga zorrotzegiak ezartzen dituelako; oposizio demokristauak, berriz, «kontrola galtzeko» arriskuaz ohartarazi zuen.
Tino Sorge Batasun Demokristauaren (CDU) osasun gaietako bozeramaileak adierazi zuenez, «bere lege-proiektuarekin, Gobernuak onartu egiten du mendekotasunaren arriskua eta kanabisaren kontsumoak osasunerako dakartzan arriskuak onartzea».
Destatis Estatuko estatistika bulegoaren 2021eko datuen arabera, alemaniarren %34,7k kanabisa kontsumitu dute bizitzako uneren batean, eta %8,8k azken hilabetean.
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)