![Sarai Robles nagusitu da Iruritako saioan.](/media/asset_publics/resources/001/040/774/article_main_landscape/Irurita1.jpg)
Iruritak hartu du 2023ko Nafarroako Bertsolari Txapelketako lehen saioa. Gizarte Bilgunean, 140 pertsona inguru batu dira larunbat honetan txapelketako lehen saioa bertatik bertara jarraitzeko eta, bertan, Sarai Robles nagusitu da, 354 punturekin. Lehen kanporaketa irabazita, azaroaren 4ean Altsasun jokatuko den finalaurrekorako txartel zuzena eskuratu du barañaindarrak.
Roblesekin batera beste bost bertsolari aritu dira kantuan: Saioa Alkaiza (333 puntu batu ditu), Idoia Granizo (328,5), Ekain Alegre Gil (324), Eneko Fernandez (320,5) eta Egoitz Gorosterrazu (291,5).
Txapelketak hurrengo larunbatean, hilak 14, izango du segida, Vianan jokatuko den saioarekin. Kanporaketa 17.30ean abiatuko da, aipatu herriko Kultur Etxean, eta kantuan ariko diren bertsolariak Julio Soto Ezkurdia, Xabat Illarregi Marzol, Ekhiñe Zapiain Arlegi, Patxi Castillo Graciarena, Urko Gartzia Aleman eta Aitor Irastortza Arrizubieta izango dira. Gai-jartzaile lanean, bere aldetik, Zigor Gartzia Arregi ‘Zian’ izango da.
Biharamunean, aldiz, Uharten izango da saioa, Arte Garaikideko Zentroan, 17.30ean. Bertan ariko dira kantuan Beñat Astiz Isasi, Eki Mateorena Zozaia, Joanes Illarregi Marzol, Julen Zelaieta Iriarte, Mikel Lasarte Cia eta Xabier Silveira Etxeberria.
Saio guztietarako sarrerak salgai daude, www.bertsosarrerak.eus atarian.
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)
Dos detenidos en Iruñea acusados de agredir a un seguidor de la selección española
![Gasteiz](/media/asset_publics/resources/001/143/230/article_thumb_horizontal/Gasteiz.jpg)
El estreno de Iñaki Kerejazu como Celedón desborda Gasteiz con recuerdo a los ausentes
![Corsica](/media/asset_publics/resources/001/143/033/article_thumb_horizontal/corsica.jpg)
Una delegación vasca, presente en unas Ghjurnate con Kanaky de protagonista
![Craterngorongoro_](/media/asset_publics/resources/001/143/654/article_thumb_horizontal/craterNgorongoro_.jpg)