![Altzolako tren geltokiaren aldeko sinadura bilketa egin dute Elgoibarren.](/media/asset_publics/resources/001/065/083/article_main_landscape/altzola.jpg)
Altzola-Elgoibar tren geltokiaren aldeko herri plataformak beste sinadura bilketa bat antolatu du larunbat honetan, Elgoibarren ospatzen den Gabon Zahar ferian, goizeko hamaiketatik aurrera merkatu plaza parean. Altzola-Elgoibar tren geltokia ez ezik, herriko hiru geltokiak eta tren garraio publikoa defendatu nahi dituzte atxikimendu horien bidez. 1.250 sinadura bildu dituzte, eta dagoeneko 5.400 badituztela jakinarazi dute.
Esplikatu dutenez, Araba, Bizkai eta Gipuzkoako garraio jasangarriaren lege berriarekin bat egiten du ekimenak. Aurten plazaratutako lege horretako zenbait artikulu jarri dituzte adibide gisa. Horietako batek dioenez, Europako Itun Berdeak garraio multimodala bultzatu behar dela jasotzen du, tren bidezko garraioa eta mugikortasun automatizatua sustatuz, adimendun kudeaketa sistemen bidez konektatua.
Aipatu duten bigarren artikuluak jasotzen du administrazio publikoen jardunean tren sarea izango dela garraio publikoaren eskaintza egituratuko duen ardatza eta errepideko garraioa haren osagarria izango dela.
Hirugarrenik, legeak agintzen du motordun ibilgailu pribatuen erabilera murrizten joateko neurri koordinatuak hartu behar direla, poliki-poliki.
«Errealitatea oso bestelakoa da»
Laburbilduz, legeak «tren garraioa bultzatzearen alde egiten du, trena garraio publikoaren ardatza dela jasotzen du, autobusa haren osagarria dela eta gero eta zailagoa izango dugula gure ibilgailu pribatuetan mugitzea».
«Paperak dena jasaten du. Baina errealitatea oso bestelakoa da», azpimarratu du herri plataformak.
Helburua: 10.000 sinaduratik gora
Larunbat honetako sinadura bilketa amaituta, euskal herritar guztiei eskatuko diete laguntza, 10.000 sinadura lortzeko. Horretarako change.org plataforma erabiliko dute.
Lege Ekimen Herritar bat aurkeztuko dute Gasteizko Parlamentuan, Altzola-Elgoibar tren geltokia mantentzearen alde. Oroitu dutenez, dagoeneko badago proiektu bat geltokia babesten duena, bi aldiz plazaratu dute EAEko buletin ofizialean. «2012an baliagarri bazen, are baliagarriagoa da hamabi urte geroago», defendatu dute.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Somport](/media/asset_publics/resources/001/154/240/article_thumb_horizontal/somport.jpeg)
El cierre de los pasos de Somport y Bielsa desvía el tráfico de camiones a Irun
![Vinicio](/media/asset_publics/resources/001/154/378/article_thumb_horizontal/vinicio.jpg)