Espainiako Konstituzio Auzitegiak ‘Bateragune auzia’ behin betiko ixtea erabaki eta ordu gutxira, ETS taldearen ‘Zurekin batera’ abestiaren bertsio bat sareratu du Arnaldo Otegik, propio moldatuta. «Ez gara sartuko berriro haiek nahi duten zuloetan», dio euskal musikagintzako aurpegi ezagunenetako batzuk biltzen dituen kantak.
Zehazki, Ines Osinaga, Fermin Balentzia, Lide Hernando, Tomas Lizarazu, Eñaut Elorrieta, Onintza Enbeita, Mikel Urdangarin, Oihana Afu, Aitor Gorosabel, Sara Zozaia eta Maider Ansa dira bideoklip berezi honetan agertzen direnak.
Maddalen Arzallusek jarri dizkio hitzak ETSko Iñigo Etxezarretak sortutako musikari eta Pello Reparaz arduratu da konponketez eta ekoizpenaz.
2021eko maiatzean abestia grabatu zuteneko irudiak erakusten ditu bideoak, baina ‘Bateragune auziak’ utzi dituen uneetako batzuen bilduma ere tartekatzen du: Arnaldo Otegi, Sonia Jacinto, Arkaitz Rodriguez, Miren Zabaleta eta Rafa Diez atxilotu zituztenekoak, hura salatzeko deitutako mobilizazioenak edota zigor osoak beteta askatu zituztenekoak, esaterako.
Hala dio letrak:
Zenbat aldiz marraztu diguten joan zen hartatik etorkizuna
Zenbat aldiz ekartzen diguten ahaztu nahi dugun oroitzapena
Zenbat aldiz jarriko diguten epailearen aurreko hitzordua
Baina gu hor egongo gara zuekin batera
Zenbat aldiz lapurtzen diguten herri bat eraikitzeko denbora
Zenbat aldiz asmatu ohi duten atzera itzultzeko aitzaki bat
Zenbat aldiz aldatzen dituzten haien erara gure istorioak
Baina gu hor egongo gara zuekin batera
Ta ez gara sartuko berriro haiek nahi duten zuloetan
Altxatuko ditugu besoak ukatzeko onartezinak
Ta aterako dugu benetan barruan gelditzen zaiguna
Gu beti hor egongo gara zuekin batera, zuekin batera
Zenbat aldiz ospatuko nuke juezen eskuak garbi daudela
Zenbat aldiz adituko nuke hau behingoz amaitzeko aholku bat
Zenbat aldiz esango nizuke etxean lasai nahi zaitudala
Baina gu hor egongo gara zuekin batera
Ta ez gara sartuko berriro haiek nahi duten zuloetan
Altxatuko ditugu besoak ukatzeko onartezinak
Ta aterako dugu benetan barruan gelditzen zaiguna
Gu beti hor egongo gara zuekin batera, zuekin batera
Pradales invita a Muguruza a un debate «honesto» tras la polémica por su actuación en Martutene
Modifican el memorial de Bilbo para denunciar que Cabacas fue «asesinado por la Ertzaintza»
El Parlamento Europeo no ovacionó el lanzamiento de misiles estadounidenses contra Rusia
Suspenden el Maratón de Donostia por las fuertes rachas de viento
