Motorzale bat hil da larunbat eguerdi honetan GI-631 errepidean, Azpeitian, trafiko istripu batean, Lakuako Segurtasun Sailak jakitera eman duenez.
🚔🚑 Motorzale bat hil da GI-631 errepidean, #Azpeitia-n, izandako trafiko istripu batean
— Ertzaintza (@ertzaintzaEJGV) January 27, 2024
👉 https://t.co/NklA6QGMnw
🚔🚑 Fallece un motorista en un accidente de circulación en la GI-631 en #Azpeitia
🕊️ Goian bego
✳️ @trafikoaEJGV pic.twitter.com/XjMXTACXbj
Istripua larunbat honetako 12.25ean gertatu da. Motozikleta bat galtzadatik atera da GI-631 errepidean, Azpeitia parean, Zumarragako noranzkoan.
Gidaria, 44 urtekoa eta bidaiari bakarra, oso lesio larriak jasan ditu, eta, osasun-langileen ahaleginak gorabehera, zoritxarrez bertan hil da. Ertzaintzak ikerketa abiatu du istripu honen nondik norakoak argitzeko.
Gipuzkoan bereziki gogor kolpatzen ari dira moto istripu hauek. Lakuako Gobernuak egin berri duen iazko balantzean nabarmentzen denez, EAEn hil ziren hamaika lagunetatik hamar Gipuzkoako errepideetan izan ziren.
Aurten Gipuzkoako errepideetan izan den hirugarren hildakoa da, eta bigarrena motor batekin izandako trafiko-istripu batean. Izan ere, urtarrilaren 21ean beste motorzale bat hil zen N-634 errepidean, Getarian, auto batekin talka eginda, eta joan den ostegunean, hilak 25, gizon bat hil zen GI-636 errepidean, Lezon, bi autok talka egin ondoren.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
El ‘número dos’ de la Ertzaintza insulta a una persona que grababa un arresto en Polonia
Traspaso de poderes en el condominio más pequeño del mundo, la Isla de los Faisanes
