Mugerreko auzapezak, Roland Hirigoyenek, herriko hezeguneko azken 12 hektareen artifizializatzeko baimena eman zuen, joan zen urtarrilaren 30ean.
Lur horiek baliatuko dituzte Europako Merkantzia Zentroa handitzeko, baita Enovis material medikoa ekoitzen duen enpresaren instalazioa errazteko.
«Nehondik ere ezin da utzi Mugerreko Herriko Etxea baimentzen 14.000 kamioi hezeguneetako 12 hektarea hauek artifizializatzen. Hezegune hauek suntsitzeak gure klima segurtasun sareak ahultzen ditu eta arriskuan ezartzen gaitu amildegiaren bazterrean giren momento honetan», adierazi du, kezka handiz, Gaëlle Vincens Bizi elkarteko bozeramaileak.
Hezegune horietan babesturiko 58 espezia dituen «ekosistema aberatsa bezain hauskorra» suntzitseko arriskuaz ohartarazi dute Biziko kideek. Hala, Mugerreko auzapezak babesturiko egitasmoa arbuiatzeko lurra bota dute Herriko Etxearen aitzinean.
Beste alternatibak aztertu
«Mouguerre Cadre de Vie eta CADE elkarteek beste aterabide batzuk proposatu dituzte egitura ekonomiko horiek plantan emateko era berean lurraldea babestuz, eta horrek egoera oraino ulergaitzagoa bilakatzen du», gehitu du Gaëlle Vincensek.
Mugerreko Herriko Etxeari eta Euskal Elkargoari proposamen alternatiboak helarazi dizkiete aipaturiko elkarteek.
Batetik, Enovis enpresari beste kokapen bat eskaintzea galdetu dute, esaterako, Mugerreko Herriko Etxeak onarturiko plana aurrera badoa artifizializatuko den lursailaren ondo-ondoan den Salines-en industriagunean tokia eginez.
Bestetik, trenbideendako lurreztatze lanak gibelatzea eskatu dute.
Ekintza amaitu aitzin, Mugerreko auzapezari zuzenduriko gutuna utzi dute Biziko kideek, Hirigoyenek hiru hilabeteko epea baitu iritziz aldatzeko.
Bizik, bere aldetik, Mugerreko azken hezeguneetatik 12 hektareen artifizializatzeko proiektu honen kontra saldoan mobilizatzeko deia egin du. Hala, sinadura bilketa martxan eman du helbide honen bidez: bit.ly/barthes-mouguerre
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
El ‘número dos’ de la Ertzaintza insulta a una persona que grababa un arresto en Polonia
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Gernika](/media/asset_publics/resources/001/142/419/article_thumb_horizontal/gernika.jpg)