Adar, odol eta su arratsalde-gaua izan zen atzokoa Altsasun. Ihoteetan Puska Biltza eguna zuten astearte honetan eta iluntzean Momotxorroek, Juan Tranposok, akerrak eta beste pertsonaia odoltsu batzuek hartu zituzten Sakanako herriko kaleak.
Gero eta jende gehiago erakartzen du ikuskizunak eta aurten, bertaratutakoez gain, mundu guztira hedatu dira bertako irudiak. Izan ere, Al Jazeera katean oihartzuna izan du Momotxorroek, Palestinaren aldeko oihu artean, Israelgo bandera bat erre izana.
«Izaki honek jatorri paganoak ditu eta erdi gizon, erdi zezen, izaki mitiko baten bidez ospatzen du», dio katearen argitalpenak.
Era berean, nafar herri honetan hartutako irudiak oinarri hartuta, «Espainiak Palestina babestu izan ohi duela» nabarmendu dute eta Pedro Sanchezen Gobernuak «Israelek Gazan duen jarrera kritikatu izan duela» gogoratu.
An Israeli flag was burned by people taking part in this carnival in the north of Spain, where the government has been openly critical of Israel’s war on Gaza. pic.twitter.com/XboYPVCMpX
— Al Jazeera English (@AJEnglish) February 14, 2024
Ez da lehen aldia Euskal Herrian Palestinarekin elkartasunez egiten den ekimen batek Al-Jazeera telebista katean oihartzuna duela. Abenduan Gernikan egin zen mosaiko erraldoia ere nabarmendu egin zuten, Youtube kanalean milaka ikustaldi pilatuz.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
