Save The Childrenen ikerketa baten arabera, nerabeen artean existitzen diren online indarkeria mota desberdinen artean ohikoenak txat edo talde batetik baztertzea (%51), bikotekideak Internet bidez kontrolatzen saiatzea (%49) eta nahi ez diren mezuak jasotzea (%48) dira. Gainera, ia erdiak (%48,6) elkarri kontrolatzen saiatzen ziren nerabe-bikoteak ikusi ditu.

Erakundeak ohar batean azaldu duenez, 300 nerabe elkarrizketatu dituzte, 14 eta 17 urte bitartekoak, beren inguruan online indarkeriari buruz duten pertzepzioa ezagutzeko. Nerabeekin eta adituekin tailerrak egin dira ere. Hauetako %36,4k adierazi du ikaskide bat bere baimenik gabe nola grabatzen zuten ikusi duela.

Galdetutako pertsonen %49k uste du gazte batek bere lagunei bikotekide ohiaren argazki konprometigarri bat bidaltzen badie, lagunek ez luketela ezer egingo, eta horrek, Save The Childrenen arabera, «berresten du nerabeek ez dutela erantzukizuna beren gain hartzen ikusle gisa».

Ziberjazarpen kasu baten aurrean, aldiz, hamar nerabetik lauk justifikatuko lukete hura ikusten duten pertsonek ezer ez egitea biktimaren patu bera jasateko beldurrez. %30ek, berriz, egoeraren aurrean zerbait egingo lukete lekukoek, zer egin ez dakitelako edo besteen bizitzetan ez sartzeagatik, ezer egingo ez balute.

Prestakuntzari dagokionez, %80k adierazi du online indarkeriari buruzko prestakuntza gehiago jaso nahiko lukeela, eta horietatik %60k adierazi du egokiena irakasleek eduki horiek ematea litzatekeela.

Kanpaina eta irakasleentzako materiala

Ikerketa hau irakasleeei bereziki zuzenduta dagoen material desberdinak dituen «tresna-kutxa» sortzeko egin dute, ‘Gertatzen bada, egon gertu’ izenekoa. Helburua online indarkeriako gertaera baten lekuko izan diren 14 eta 17 urte bitarteko nerabeek hau geldiarazi eta betikotzea saihestea sustatzea da.

Gainera, ‘#KonexioBarik’ izeneko kanpaina abiarazi du Save The Childrenek. Honakoari buruz kontzientziatzea du xede: haurrak eta nerabeak Interneten garatzen direla, eta beraz, toki segurua izan behar dela beraientzat, haien eskubideak betetzen direla bermatuz.

Horretarako, erakundeak eskatu du Estatu espainoleko Haurrak eta Nerabeak Indarkeriaren Aurrean Babesteko Lege Organikoak jasotzen dituen neurri guztiak hedatzea, haurrei ingurune segurua eskaintzeko eremu digitalean eta, aldi berean, eskubide guztiak betetzen direla bermatzeko.

Save the Childrenek lehentasunezkotzat jotzen duen beste neurri bat indarkeria eta Interneteko eduki kaltegarrirako sarbidea prebenitzeko mekanismo «eraginkorrak» ezartzea da. «Ingurune digitalak ingurune segurua izan behar du haurrentzat eta nerabeentzat, eta, beraz, beharrezkoa da Administrazioaren eta Interneteko plataformen arteko lankidetza, zerbitzu eta eduki digitaletara sartzeko gutxieneko adina eta datu pertsonalak partekatzeko baimena eraginkortasunez aplikatzeko, haurren eskubideak errespetatzen dituzten mekanismoen bidez, haien datuak babesteko eta sartzeko eskubidea duten zerbitzuetatik kanpo ez uzteko», azaldu dute.