![Bizkaiko jai herrikoien aldeko mugimenduaren agerraldia Bilbon.](/media/asset_publics/resources/001/117/696/article_main_landscape/jai-herrikoiak.jpg)
Bizkaiko jai batzordeek indarrak batu dituzte lurraldean Batuz sistema ezartzeak jai herrikoietan eragingo lituzkeen eragozpenak salatzeko. Gipuzkoan Ticketbai sistemaren parekoa da.
Ostegun arratsaldean Bilboko Santiago Plazan egindako agerraldian Nerea Zuloagak (Auzotarrok) eta Iñigo Iglesiasek (Bilboko Konpartsak) gogoratu zutenez, Euskal Herriko edozein txokotan ohikoak diren jai herrikoien atzean «jaiak adin eta gustu guztietako auzokideentzako programatzen ahalegina egiten duten kolektibo ugari daude».
«Bizkaiko txosnek aukera ematen dute herriak eta herriarentzat sortutako jai parte-hartzaile eta herrikoien eredu hori modu autogestionatuan garatzeko, baita erakunde politiko eta ekonomikoen menpe ez egoteko independentzia ekonomikoa izateko ere», azaldu zuten.
Izan ere, txosnak festaren adierazle izateaz gain, urte osoan zehar konpartsek eta mota askotako elkarteek aurrera eramaten dituzten gizarte, kirol, kultura eta bestelako hainbat jardueraren euskarri ere badira.
Horregatik, Bizkaian Batuz sistema ezartzeak eragingo lituzkeen eragozpenetaz ohartarazi dute. Nabarmendu zutenez, horren eragin kaltegarriena jai batzorde txikienek sufrituko lukete, «auzokide boluntarioek esfortzu handiz aurrera ateratzen duten jaietako programazioa arriskuan jarriz».
Horren aurrean, agerraldian bildutako jai batzordeek eta elkarteek Bizkaiko Foru Aldundiari eta Lakuako Gobernuari erraztasunak eskatu dizkiete.
«Zerga normalizazioak eta iruzurraren aurkako lanak (gehienok ulertzen dugun zerbait) ez lukete aitzakia izan beharko txosnen jai ereduarekin amaitzeko. Ez litzateke traumatikoki deuseztatu beharko gizarte honek hainbeste denboran jai giroan eraiki duena. Ziur gaude gure herri eta hirien alde eta borondate onez posible dela», adierazi zuten.
📢 Bizkaiko jai herrikoiak arriskuan Batuz-Ticketbairen aurrean 📢
— Bilboko Konpartsak (@konpartsak) May 23, 2024
Agerraldia egin dugu sistema honek gure txosna txikienei ekar diezazkien eraginak salatzeko.
Zerga-normalizazioak eta iruzurraren aurkako lanak ez lukete aitzakia izan beharko txosnen jai ereduarekin amaitzeko. pic.twitter.com/mSM7jGOIe0
Leixuri Arrizabalaga Bizkaiko Foru Aldundiko bozeramaileak gogorarazi du Batuz sistema «jarduera ekonomikoa duten erakunde guztiek» ezarri behar dutela, eta txosnak ere erabiltzen hasi beharko direla, duten forma juridikoaren arabera, 2025eko uztailean edo 2026ko urtarrilean.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Sindacato](/media/asset_publics/resources/001/146/576/article_thumb_horizontal/sindacato.jpg)
Las playas son un problema político en Italia
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)