Langile bat hil da larunbat honetan, lan istripuz, Arbizun. Lehenengo datuen arabera, 55 urteko gizonezko bat zen.
Aldamio batetik erori dela zabaldu da. Lurretik hiru metro ingurura omen zebilen lanean baina kolpe latza hartu du.
Urtzubar industriagunean gertatu da ezbeharra. Oraindik ez dago datu gehiagorik, ez hildakoari buruz, ezta enpresaren gainean ere.
SOS Navarrak jakitera eman duenez, eguerdiko 12.49tan jaso du deia eta helikoptero bat, bi anbulantzia eta Arbizuk gertu den Etxarri-Aranazko sendagilea bidali ditu lantegira. Gizona berpiztu zedin saiatu dira baina alferrik izan da dena eta zoritxarreko albistea jakinarazi behar izan dute.
Atendido la tarde del #sábado un accidente laboral en #Arbizu con una persona fallecida
— 112 Sos Navarra / Nafarroa (@112_na) August 31, 2024
➡️ Movilizados #AmbulanciaMedicalizada, #Ambulancia, #HelicópteroMedicalizado, equipo de @salud_na de #EtxarriAranatz y @policiaforal_na
https://t.co/bANgoQQEer pic.twitter.com/TDg3mm2OoT
LABek bildutako datuen arabera, 39 langile hil dira aurten Euskal Herrian. Azkena Amezketan istripu larria izan zuten 30 urtkeo gaztea, duela bi egun eskas. Paper lantegi batean izan zuen ezbeharra eta hiru egun erietxean hil ala biziko egoeran eman ondoren zendu zen.
Abuztuaren 22an, Ataungo Lizarrustin basogintzan lanean ziharduen beste gizon bat hil zen, kasu honetan 61 urtekoa, gainera zuhaitz bat erori zitzaiolako. Hamar egun eskasetan, hiru langilek galdu dute bizia beren lan jardunean.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
