Astelehen honetan Donostian elkartu den Mahai Politikoak ontzat eman du larunbat honetan Tabakaleran egingo den Konferentzia Politikoan militantziak bozkatuko duen Kongresu Prozesuaren Araudia. Aipatutako Araudiaren onarpenarekin hasiko da EH Bilduren kongresu prozesua. 2017an bere lehen Kongresua egin zuenetik, EH Bilduren hirugarrena izango da.
Otsailaren 8an Iruñean egingo den batzarrean, EH Bilduren hurrengo Mahai Politikoaren bozketa eta izendapenarekin amaituko da ezkerreko indar subiranistaren hirugarren kongresua.
Larunbat honetan hasi eta otsailaren 8an amaituko den kongresu prozesuan zehar gertatu den guztiaren berri emateko bi bozeramaile izendatzea erabaki du gaur Mahai Politikoak. Unai Urruzuno Politika Instituzionaleko arduraduna eta Miren Zabaleta Nafarroako arduradun politikoa izango dira EH Bilduren hirugarren Kongresuko bozeramaileak.
«Oso termino lasaietan emango den prozesua izango da. Berritzailea izan nahi du. Bare eta lasai izango den prozesua da», adierazi zuen EH Bilduren idazkari nagusi Arnaldo Otegik kongresuaren prozesuaren hasieraren berri eman zuenean joan den astean.
Azken hauteskundetan herritarren sostengu zabala jasotzeak baretasun horren osagaia da Otegiren arabera.
El portavoz del PNV en Getxo ocultó que estaba en el proyecto de lujo que derribó el palacete
Un hombre mata a Yaneli Gonzales, una mujer de 31 años, en el barrio bilbaino de Santutxu
El Ararteko toma cartas en Alde Zaharra ante la «inhibición» del Ayuntamiento de Donostia
Fallece el hombre que se arrojó por el balcón en Bilbo tras acuchillar a sus padres
