Lehen Hezkuntzako eta Bigarren Hezkuntzako lehen zikloko Arabako ikasleentzat ‘Arabaz Blai’ aisialdi hezitzailerako programak Gazteriaren Foru Erakundekoak, akordioa lortu du www.pueblosdealava.com webgunearekin, Arabako herrietako antzinako bizimoduari buruzko tailerrak diseinatzeko».

Aste honetan bertan Barrian abian jarri diren jarduerek «Arabako herrien bilakaera ezagutarazten dite gazteei, eta aitona-amonen garaiko ohiturak, tradizioak, historia, sekretuak, jokoak eta bizimodua ezagutarazten».

Aldundiak adierazi duenez, «sormenaren eta parte-hartzearen ikuspegitik, jarduera, proba eta ibilbide tematikoekin, ikasleek beste modu batean ezagutzeko, ikasteko eta gozatzeko aukera izango dute, memoriak gidatuta, eta beraien adina zutenean aitona-amonen larruan jartzeko aukera izango dute».

Ildo horretan, www.pueblosdelava.com webguneak material didaktikoa eta gida bat prestatu ditu ‘antzinako jolasak, eguneroko bizitza eta Arabako antzinako baserrietako lanak’ tailerra egingo duten begiraleentzat.

Jarduerak

‘Puzzle Mapa’ ekimenaren bidez, gazteek Araba osatzen duten udalerriak nolakoak diren, alderdi bitxiak eta ezezagunagoak ezagutzeko aukera izango dute, Arabako geografia eta etnografia hobeto ezagutzeko, pistak dituzten galdera batzuk abiapuntu hartuta.

Bestalde, ikasleek garai bateko hainbat jolasetan jolasten ikasteko aukera izango dute eta, horrela, «adinekoen garaian eta azalean jartzeko» aukera izango dute, yoyo-a, tiragomak, txingoan jolastea, tabak, txapak eta zibak, besteak beste.

Gainera, ‘Baserriko Lanak’ saioak protagonistak izateko aukera emango die ikasleei, «gure amonen eguneroko bizimoduan murgilduz eta Arabako baserrietan gure aitona-amonen eguneroko xehetasun bitxiak ezagutuz», hala nola koltxoiko artilea uxatu eta astintzea, tipulak txirikordatzea, babarrunak askatzea, artoa aletzea eta kriseilu batekin argiztatzea, besteak beste.