Jende andana izan da Aske Gunean Donostiako gaztee zigortuei babesa adierazten
Ekaitz de Ibero gaztearen atxiloketari aurre egin eta Aske Guneko egitarauarekin jarraitzen dute Donostiako gazteek. Goizean goiz hiru zutabeak osatu eta Bulebarrean izan dira gazte zigortua. Jende andana bildu da egunean zehar, eta hainbat ekitaldi burutu dituzte. Iluntzean haien etxeetaraino lagundu dituzte berriro.
Goizean goiz ohikoak bilakatzen ari diren hiru zutabeak osatu dituzte Estatu espainiarreko Auzitegi Gorenak zigortutako zortzi gazteei Bulebarrean kokatuta dagoen Aske Gunera laguntzeko.
Zutabe bat Hernanitik atera da eta autobusean egin dute Donostia arteko bidea. Bestea Grosetik abiatu da, eta Alde Zaharrean bi gazte jaso ostean, Bulebarrera irtsi da. Azken zutabeak, aldiz, Amaratik egin du bidaia.
Ekaitz de Ibero gaztearen atxiloketari aurre egin eta aldez aurretik prestatua zuten egitaraua jarraitzeari ekin diote gazteek. Hala, serigrafia tailerra egin dute, haren ostean Donostiako gazte zigortuen aldeko kamisetak egiteko.
12.30etan kontzertua eskaini du Txemak, 16.00etan ‘Tximeletak, etengabeko metamorfosia’ dokumentalaren emanaldia izan da Skakeitan eta Hesianen kontzertu akustikoek itxi dute gaurko prestatu duten egitaraua.
19.30ean elkarretaratzea abiatu da eta, hura amaituta, berriz zutabeetan, etxerako bidea hartu dute.