Jose Mujica Uruguaiko presidenteak Muxika bisitatuko du, bere arbasoen sorterria
Hainbat herrialdetan barrena burutzen ari den biraren baitan, Euskal Herria bisitatzeko beta izango du Uruguaiko presidente Jose Mujicak. Bere arbasoen sorterri den Muxika (Bizkaia) ezagutzeko aprobetxatuko du bidaia, besteak beste.
Uruguaiko Presidentziak bere webgunearen bitartez jakinarazi duenez, Jose Mujicak bere arbasoen jaioterria den Muxika herria bisitatuko du datorren larunbatean, ekainak 1.
Horrez gain, Euskal Herrian barrena hainbat leku bisitatuko ditu: Gasteiz, Bilbo, Mondragon Unibertsitatea eta Mondragon Korporazio Kooperatiboa. Iñigo Urkullu lehendakariarekin ere bilduko da.
Iragan urteko azaroan Euskal Herria ezagutzeko bidaia izan zuen antolatuta, baina azkenenan, osasun arrazoiak zirela medio, bertan behera utzi behar izan zuen asmo hura.
Hainbat herrialdetan barrena burutzen ari den bira luzearen baitan burutuko ditu bisitok. Txina, Vatikanoa, Italia edota Estatu espainola daude presidente uruguaitarraren agendan.