Adingabekoen eutanasia legeztatu du Belgikako Parlamentuak

Belgikako goiko ganberak argi berdea eman dio adingabeen eutanasia zigorgabetzen duen legeari. «Sufrimendu fisiko jasanezina» eta gaixotasun sendaezina duten haurren kasuan onartu dute eutanasia, gurasoen baimena eta sikologo baten bermea ezinbesteko izango direlarik.

Aldeko 86 botorekin, aurkako 44 eta 12 abstentziorekin onartu dute Belgikan haurren eutanasia ahalbidetzen duen legea.

Herrialde horretan, eutanasia legezkoa da 2002. urtetik, eta ostegun honetan onartutakoarekin, Belgika munduko lehen herrialdea da adin mugarik ezarri gabe eutanasia legeztatzen. Adibidez, Herbeheretan, adingabeen eutanasia zigorgabetua dago, baina 12 urtetik gorakoentzako soilik.

Belgikako goiko ganberak onartu duen legeak, hala ere, zenbait baldintzaren pean dago.

Adingabeek eutanasia eskatzeko baldintzak honakoak dira: «sufrimendu fisiko jasanezina eta arinduezina» izatea, gaixotasuna fase terminalean egotea, gurasoen baimena izatea eta sikologo baten bermea izatea.

Aurrera egin duen lege proposamenak eztabaida handia eragin du bai alderdi politikoen artean eta bai osasungintzan ari direnen artean.