Baskoniaren garaipen erosoa Ilunben (66-95)
Gasteiztarrak erraz nagusitu dira Gipuzkoa Basket taldearen kontrako euskal derbian. Bilbao Basketek berriz, galdu egin du Zaragozaren kontra (74-66).
NAIZ
Ilunben jokatu den euskal derbian ez da ezustekorik izan eta erraz nagusitu da Baskonia (66-95). Atsedenaldirako erabakita utzi dute partida gasteiztarrek (35-55).
Gipuzkoarrak sailkapeneko 14. postuan dauden bitartean -hiru garaipeneko aldea dute jaitsiera postuetan dauden taldeekiko-, Baskonia goraka doa Kopatik kanpo gelditu arren.
Bilbao Basket aldiz, esku hutsik itzuliko da Bilbora CAI Zaragozaren zelaian (74-66) galdu ostean.