Uztaritze-Errobi eta Urdazuri Ibarrak: Zentro-eskuina eta EH Bai bigarren itzulira
Zentro-eskuineko aliantzaren hautagai den Philippe Echeverria eta Benedite Luberriaga izan da binomiorik bozkatuena Uztaritze-Errobi eta Urdazuri Ibarretako kantonamenduan. Abertzaleak izango dituzte aurrez aurre bigarren itzulian.
Botoen %30,22 bildu du zentro-eskuineko aliantzaren Echeverria-Luberriaga bikoteak Uztaritze-Errobi eta Urdazuri Ibarretan.
EH Baik bigarren itzulirako txartela eskuratu du, Santiago Capendeguyk eta Joana Urbistondok osatutako binomioak %18,02ko babesa lortu baitu.
Maite Haran-Larrek eta Battit Labordek osatutako bikoteak, aldiz, botoen %14,74 lortu du eta haien atzetik gelditu da Fronte Nazionala, %13,71ko babesarekin.
PS eta haren afiliatuek botoen %13,31 lortu dituzte, Laffitte eta Lefebvre zentristek, aldiz, %7,96, eta boto gutxien bildu duen indarra EAJ-PNB izan da, %2,04, hain zuzen.
Abstentzioa %48,29an egon da kantonamendu honetan.
