Ekainaren 17an eratuko da Nafarroako Parlamentua
Bederatzigarren legealdia ekainaren 17an hasiko da Nafarroako Parlamentuan, goizeko 11etarako deitu baitute Iruñeko Legebiltzarra osatzeko saioa. Udalak lau egun lehenago osatuko dira, 13an.
Igandeko hauteskundean aukeratutako legebiltzarkideek ekainaren 17an aukeratu beharko dute Parlamentuko presidentea eta Mahaiko gainerako kideak.
Behin Parlamentua osatuta, herrialdeko presidente izango dena hautatzeko prozedura jarriko da abian.
Parlamentuko presidentea eta Mahaiko kideak aukeratzeko ordua izan daiteke aldaketaren alde dauden alderdien gehiengoa frogatzeko lehen aukera.
Legebiltzarra osatu eta hamar eguneko epean, ordezkaritza daukaten alderdiekin hitz egin beharko du, eta Gobernu presidentetzarako hautagai bat proposatu.
Botazioa sekretua izango da. Lehen saioan hautagaiak gehiengo absoluturik eskuratzen ez badu, hurrengo egunean nahikoa luke gehiengo sinplearekin.
Hiru hilabeteren buruan presidenterik aukeratuko ez balitz, Parlamentua disolbatu eta hauteskundeak deitu beharko lirateke.
Udalak, aldiz, ekainaren 13an eratuko dira.