Realaren gol festa Levanteren aurka (4-0)

Ez zen makala parean zuena, sailkapenean erdi aldean eta gora begira jarri zitekeen Levante, baina nagusi agertu dira Realeko neskak eta 4-0 gailendu dira Nahikari Garciaren ‘hat-trick’ eta guzti. Izaskun Leozek egin du bestea, partidako bigarrena. [Sailkapena eta emaitzak]

Laugarren postuan eta Athletic liderrarekiko sei puntura da Reala Emakumeen Ligan gaur 4-0 irabazi ostean. Partida hasi orduko sartu du lehena Nahikari Garciak eta lehen zatia amaitzear zela bigarrena Izaskun Leozek. Bigarren zatian antzeko bidetik jarraitu dute Realeko jokalariek eta Nahikari Garciarekin beste bi golekin borobildu dute markagailua.

Gora begira jarraitzen du, beraz, Realak, 22 puntu ditu, bi gehiago Barçak eta bertatik bertara Atlético (25ekin arratsaldeko partidaren faltan) eta Athletic liderra (28 punturekin).