Berangoko sutea itzali da

Gaur gauean itzaldutzat eman dute Berangoko sutea, 130 hektarea erre ostean. Bart botatako euriak, haize ufaden lasaituarekin batera, azken suak itzali dituzte.

Igande gauean Berangon piztutako sutea itzaltzea lortu dute suhiltzaileek. Atzo arratsaldean kontrolpean zegoela iragarri eta gero, gauean zehar bota duen euri apurrak itzaltzen lagundu du, baita haize boladek behera egiteak ere.

Guztira 130 hektarea kixkali ditu suteak eta oraindik ere kontrol lanetan egongo dira hainbat pertsona, sugarrak berpiztu ez daitezen. 100 pertsona baino gehiago izan dira lanean.